راحليـن

[النور]

مشاركه اولى لي بينكم
اتمنى ان تنال استحسانكم

راحليـن ومالنـا خــدٍ مقـيـم=غير ذكرٍ ريحتـه عطـر ودخـون
ترتجينـا ذا العيـون الله كـريـم=ياجزى الوالـد جنـان الخالـدون
يمه .. يمـه لاتزيديـن الهشيـم=الرضاء ثم الرضـاء ثـمٍ تهـون
وين ماقفيـت يكفخنـي لطيـم!!!=حظـي العاثـر يطوقنـي جنـون
قـدر البـاري نعيـش ولانقـيـم=ابتـلا تلـو ابتـلا دنيـا الغبـون
غصـة بالحلـق وقليـبٍ سقيـم=وين ماعرضت ابـه زاد الشجـون
كفتين اليا رجحت ماهـوب ظيـم=هي خسارة صاحبي والعمر دون؟؟؟
الحيـاة ابلـى الغـلا ماتستقـيـم=والخساره لاتسـاوت لـي تهـون
انتثر فـي دنيتـه ماهـو منـون=آآآه يالوفـي علـى صـدرٍ حليـم
ياعوض شيخٍ غدى لي مـن قديـم=دوك كل اللي بقـى واللـي يبـون
راحلين ابلا زعل وابلا خصيـم=رحمتـك اعـداد ماهلـت مـزون
رجوتـك يـاالله تلهمنـا لهـيـم=الشهـاده ويـن ماكانـت تكـون
وسع المنـزال تربـه مـن نعيـم=واونس الوحشه اذا حان الكنـون
وارحم اعيون ذبلت والنـاس نيـم=شوف عيني ليلهـا مالـه عيـون
تطلبـك ترجيـك يـاربٍ عظـيـم=تغفـر لـزلات مكحـول العيـون
دعوة الوالـد لهـا بـارد نسيـم=كيف لاغطـت موارينـا السنـون