%% تـفـااااحـة القــلب %%

[سعود بادي]

بكل ود ..
هذه البسيطه تطلب الرضى
واغفروا لها ارتباكها امامك
وكله من محمد الفرحان
.
.
.

من خلوة الليل في .. وحد تخمينه "=" دخيل وجه الصباح ولمت انفاسه
في وجهه اقرأ نهاري واسلبه تينه "=" وارتب لموت وجده فوق قرطاسه
أخذ لبكره منه نسمه وتلوينه "=" واسرق لطرف المفارق لحظة نعاسه
ومن السحايب اخبي غيمه لطينه "=" منها يصب الصباح الضحك في كاسه
ياجارحٍ ملمس ازهار الغلا بلينه "=" ان شفت في سكتك حيٍ ذبل واااسه
احرقت دم الجواب بثرثرة سينه "=" ورديت حلم الغمام لريش قرناسه
القلب شوفيه يامحبوبة سنينه "=" ماعاد ينبض غلا واسترجع احساسه
بعضه يعريه منك وبعضه يدينه "=" يسري معك لاتغرك صكت اقواسه
تسقين تفاحته قسوه وتكسينه "=" الين مالينه خضر الوصل بااسه
بيتٍ هوى حلم بيبانه تعيشينه "=" نوافذ الريح تذري موته بساسه
ياموووجعه .. ماخلقه الله لغالينه "=" بيتٍ فلول السهر والجوع حراسه
الشوق لاغاب غفله لاتصحينه "=" شوفي من اللي على خد القهر باااسه
لو خلف الجوع مسكين لمساكينه "=" ماعلم الحظ فقره زرت لباسه
ولو مالشعر بالصدر تجري شرايينه "=" محسوووبه اليوم مثل ( مضيييع الطاسه )
لاغاب اعطر فضاء نفحاته لحينه "=" واشب دنياه واقلبها على راااسه
لي في سما الفكر تحليقه وتدوينه "=" ومن السحايب تشق السحر كراسه
اخترت له من رسوم الكون تكوووينه "=" وفي زحمة صدورهم شبيته لناسه