أهلاَ بكم في ديوانية منابع

[عبدالله السهلي]

بسم الله الرحمن الرحيم

والصلاة والسلام على نبي الرحمه وعلى آله الاطهار وصحبه الاخيار

أخواني وأخواتي
السلام عليكم ورحمة الله وبركاته

كيف حالكم أشتقنا لكم ويارب يسعدكم ويرضى عنكم قولوا أمين

ماشاء الله تبارك الله قصر منابع كبر وصارت غرفه كثيره

ويش رأيكم نسوي ديوانيه لمنابع تجمعنا ونجلس فيها ونسولف ونستفيد ونفرفش

يارب تعجبكم الفكره

عاد تصدقون تغير علي البيت بعد ماوسعوه وجددوا فيه البويه وبصراحه صار روعه

تسلم ياقديم الشوق على هالذوق الله يحفظك ويحفظ آل منابع كلهم والمسلمين أجميعين

أكمل لكم ويش صار معي <<<< صارت قصه

أخذت فتره أبحث عن باب الدخول لأني أذكر أن الباب أول كان في اليسار

أحترت وين راح الباب ... ... ضحكت على خيبتي يوم شفت الباب على اليمين

ومن الربشه حطيت المفتاح اللي هو أسمي ونسيت الرقم السري .. لكن افتكرت ..والحمدلله دخلت

أنتم كيف حالكم

بعد أذنكم أنا ابروح أغسل الفناجيل وأركب الكفتيره على النار ومن غير عزومه خذوا راحتكم في ديوانية منابع

اللي يبغى يهيجن واللي يبغى يسوي شاهي ترى نعناع ودوش المدينه ووردها موجود واللي طارحته القهوه ومصدع يحصل جميع

أنواع القهوه تركي ... وفرنسي .... وكباتشينو ..... وريو ماري على ما أعتقد

واللي يبغى يسوي المبهره ترى الهيل والقرنفل موجود

طيب

ويش رأيكم في أسعار البندوره أن شاء الله رخصت .. صدق اللي سماها مجنونه

تصدقون البنقالي في البوفيه يحط يده على قلبه من خوف أنك تقوله كثر بندوره في السندوتش

ويقولك يرحم والديك أحطت لك بيضتين بس ندوره لا نهي نهي

يا خوان تسمعوني أنتم والا أكلم نفسي ... بعد أذنكم أشعر بالجوع أبغى أروح لمطبخ منابع

أحد يبغى شي