انزع قناعك

[سعد الغنامي]

السلام عليكم ورحمة الله وبركاته

جديده تقادمون فيها شوي


اليكم مع التحيه العطره

ياهاجس القرب مدري هاجس الفرقا = انزع قناعك وخل الوجه مكشوفي
ماقدر أميزك وانته تنزل وترقا = المخ عيا يدز ايعاز للجوفي
يطريلي الغرب ويطرّيلي الشرقا = ويقول للعين ياعين الشقا شوفي
مايدري ان العيون بدمعها غرقا = ماعاد تعرف وش الوردي من الموفي
صايرةٍمن البكا ومن السهر زرقا = قضاء عليها مناي وكثرت شفوفي
تشوفني يوم اجاوب نايح الورقا = ياما نتهتني وقالت سو معروفي
ماتدري أنه ترك في خاطري حرقا = وهوه على فعلها ماهوب مكلوفي
ماكن في ذخر حوّى غيرها طرقا = الا وربي بهن أميات واولوفي
كم قلب جزن عروقه وانحرق حرقا = وكم واحدٍ نص ريشه صار منتوفي
وكم ميسمٍ فوق راس المبتلي عرقا = لكن ياقل من يخلص ومن يوفي
والحب ينصا غريمه مايجي درقا = لين أنه يقول تكفا سو معروفي
إن قالها قال لد العين للبرقا = وإن كان ماقالها قال انت ملقوفي

تحيه عطره للجميع