غيآآ\\بات

[مقعد العازمي]

من نيزك البعد صار الجوف اخاديدي = واحرمني الوقت غفو الليل ورقاده
وناديتلك ياغرامي وانتي بعيدي = ولو ماسمعتي بانادي باسمك زياده
ياللي غيابك يجددبي تناهيدي = سيف الشقا صار صدري عقبك غماده
يومك معي كل لوعاتي مقاييدي = واليوم همي بجوفي قطّع قياده
أحاول اصبر على جرحي وتنكيدي = واقول بكرة تجي الافراح منقاده
لكنّ الاقدار تخلف في مواعيدي = ويضيّع الحظ مصداره وميراده
محرقني الشوق لكن وش بقي بايدي = والعمر كل العنا والحزن له عاده
وانتي بذور الغلا , واشهى العناقيدي = وعروش قلبي بدونك مالها ساده
الك المحاني وطن والك الحشا بيدي = وشعوبه انتي وحتى الجند والقاده
يابسمة الصبح , ياضحك المواليدي = يا اعذب نهر حب , ياترفه , ويا غاده
يا طبعي , وسلم عشقي , يا تقاليدي = يا شخصٍ اوحد يقرب حزة بعاده
شوفي خلاياي لك فيها عجاريدي = والفكر ما نقّصه غيرك ولا زاده
خلدك ربي بوسط القلب تخليدي = وميزك عندي برغم انك من عباده
لاشفت غيرك قرب للمجلس بحيدي = قمت ونصيتك وخليته بمقعاده
جيتك بليا سوابق , صرت عربيدي = طاغي مشاعر , ويعلن عشقي جهاده
واثق ولاهمني كثر المناقيدي = لو كانت الناس زرايه ونقاده
وان شفت جور الرفيق ؟ يجيه تنديدي = والثانية؟ يعلن المعلوق لاحداده
افخر بورث الشكاله عقب توحيدي = واحسب حساب اختلاف الراي وعناده
متجنبٍ كل خوانٍ ورعديدي = والطيب اللي وفيّ شدادي شداده