آمــر تدلل ..!!

[شيمة]

برغم انك ..



!

!



ما كتبت لعيوني قصيدة ..!
ولا قلت في آخر يومك ..
يا حبيبتي ليلة سعيدة


ولا ضميته خيالي
ومسحت بايدك على شعري
وقلت .. بقربج هنيالي ..!



ما سهيت وانت ترسم ملامحي
و تحاول تتخيل في هاللحظة
فزة أشواقي .. و ثورة دمي وجوارحي ..!!


ولاغفيت وانته اتجاهد لملمة جفونك
عن دمعات عينك
اللي على شوفي .. ولهى وتخونك .


ولا كتبت فيني قصيدة
أو حتى بيت
ولا نزلت لآخر حيلك وله
و موووووت .. شهقت ورقيت


ولا تدري .. انك هالقلب
نبضة وريده ..!


و إنه منك
لاهوب حي ٍ ولا ميت ..!!



( بس ) ..!!


ومع ذلك ..



( آمر تدلل )


لك في الحشا
مليون قصر ومليار .. بيت




.

يا مرحبا .. يا مستثير اشجوني=روحي على دربك .. ثبَت مسراها
انته هناي ومنيتي .. و جنوني=وانت المحبة .. تامر وتنهاها
لي سلهمت عينك .. تدك احصوني=وعذب ابتسامك .. هالعمر يفداها
لي شفت زولك .. قمت أجر الحوني=واشكي ونفسي .. تشتكي امّاياها
منهو شراتك .. من عساه ايكوني=ياللي بحسنك .. هالأمم تتباها
تليتني .. تلة حبيس اسجوني=عشرين عام .. ولا عرف دعواها
لبيه .. ياكل الغلا في كوني=لبيت لعيونك .. و أسدّ ابلاها
آمر تدلل .. مرحبا مليوني=ومليار يرضفهن .. ولا يوفاها

( الشكر لخوي ملاذ لتصميم البطاقة لاعدمته )