هديتي لك

[عبدالله العبدلي]

وش ابي بالعقل
دامني أعشقك مهبووووول
أحلى عمر لي
لما أكون قدامك
يعل عيناً ماتشوفك للعمى
ويعل قلباً مايحبك للموت
ويعل روحاً ماتشتاق لك للعذاب
انا ياقلبي
ادري أتكلم وأزيد وأحيانا أعيد
اني احبك واني أموت فيك واني أعشقك
بس مليت من كثر مااردد المعتاد
واقولك كلام قالوه قدامي العشاق
انا لو اقدر اصير الهواء
ماتأخرت
تدرين ليش يااحلى من العسل
علشان اسكن روحك ولااطلع
انا لو اقدر اصير الطيف
ماتأخرت
تدرين ليش يااحلى من العسل
علشان اسكن عينك ولااطلع
بس انا ياقلبي بشر
من دم ولحم
اغلى ماامتلك قلب وروح
قدمت لك قلبي هديه
ونزعت لك روحي وأعطيتك
كل هذا ماهو جديد
انا ياقلبي كلي على بعضي
تحت امرك
اتخبط في كلامي من يوم اشوفك
اكتب كالمجنون كلام ماهو مترابط
ادور في قاموسي المعتم
اللي نوره وجهك
ونفض غباره هواك
كلام اقوله لك ولاحصلت
دورت في كل القواميس
حرف او كلمه او جمله
تقول لك اللي في خاطري
ماحصلت
قلت ياقلبي ابي اسكت واناظر جمالك
واذكر ربي عليك
لانهم قالوا
إذا الكلام من فضه فالسكوت من ذهب
وانا اقول
إذا كل العشاق قالوا في عشيقاتهم الشعر
انا اقول فيك الصمت
تدرين ليش
علشان تقرأين قصائدي في عيوني




عبدالله العبدلي