شفّ الوصال

[فوزي الخالدي]

الف شكر للأخ العزيز الأستاذ / محمد الفرحان على دعوتة للانضمام الى ركبكم الجميل .. في هذا الصرح الغالي والراقي وفقنا الله واياكم الى مايحب ويرضى


مصافحة أولى أتمنى أن ترتقي لأذواقكم المورقة وان

تجد شيء من القبول والاستحسان لديها

وتقبلوا صادق التحية والتقدير سلفا ً

ضكّني وقت .. المسافة .. ولا قويت ارسل حلول=وطالني هم.. حدانـي .. دك صـدري كرعنـه
ضاقت الدنيا رحابـة والسمـاء طاحـت ذبـول=فوق رأس اللي زمانـه وجـور حظـه فرعنـه
آآآه يا شفّي وصالـك شـفّ عسّـاف الخيـول=فـي مياديـن المـوّده مـرّ وقتـه جرعـنـه
انثلم سرج السبـوق المهـرة أنسـال الفحـول=طايلة رأس الطويلـة فـي خطـاوي البرعنـه
وصار مثل اللي .. يروح يرد .. نطار الرسـول=لا خبر جـاه بسـلام ولا أمـل عـن خرعنـه
حسبي الله يا مواتـر "جرمنـي" كـادت تحـول=في حياة اللي جبينـه سيـف ظلمـا الصرعنـه
بنت شيـخ حلحـل الصعبـات هـذّاب العقـول=ترتكي له كبار قوم ومعهـم أنسـاء و ورعنـه
مـا مشـت درب الزريـة والرديـة والخمـول=راكدة ماخضخـض المـاء ظفرهـا والذرعنـه
وآآآه يا وقـت حدانـي عنّهـا وصـال وصـول=مالنا حيله علـى صـروف الزمـن والشرعنـه
ولعنبو حـظ حدانـي خـط سيـرك يالعسـول=ولعنبو خطوة توانـا مـا تجـي لـك سرعنـه