أغسطس آآآآآآآب ...

[خليل الشبرمي]

.



يشرفني أن أكون أحد المنتسبين إلى هذا الصرح الأدبي الجميل

بدعوةٍ كريمةٍ من أخٍ كريم ( عبدالرحمن القاضي )

ويسعدني أن أضع بين أيديكم هذه المشاركة المتواضعة ...

مصافحة أولى ...

أرجو أن تجد شيئاً من قبولكم ورضاكم ...

لا ياحمد لاتبحث الأسباب = والوقت لا تامن عواقيبه
وان كانها تحقيق واستجواب = سجّل ودوّن كل مادلي به
الحب بلوى والهوى غلاب = وويل من طب بغياهيبه
وياوالله اللي ماحسبت حساب = رجلي طريق الحب تمشي به
وانا ادري ان الحب حرب اعصاب = والمسعد اللي سَلْم ما بلي به
ليما بليت بمترف(ن) جذاب = ماغير اهوجس به واهذريبه
غرو(ن) لك الله يسلب الألباب = بالسلهمة والملح والطيبه
ماكنه الا والغزال اقراب = من دون لاشك(ن) ولا ريبه
عاشق عيونه في عيونه ذاب = ذوب الذهب وان سلهم غدي به
رمشه كتيبه والعيون كتاب = تاصلك لاسلكي مكاتيبه
شلفا ذياب وفي يمين ذياب = ياعنك مايبرى من تصيبه
تصوب العاشق بعكش اهداب = وبنظره توديه وتجي به
اهواه واهوى ليله المنساب = واسري معه واضيع واسري به
واهيم وادخل جوه الخلاب = واطرب واغني له واغني به
واعيش جو انشودة السياب = واغيب واصحي به ولا اصحي به
وان مر طيفه سيّد الأحباب = وانا بنومي قمت اهلي به
افز به وافز له باعجاب = ضيف(ن) تهلي به معازيبه
لاوعي لاتمييز لا استيعاب = الزين ماسمع به ولا اوحي به
عاشق عيونه ياحمد منصاب = والموت كانه مات مادري به
يادمعتين ونظرتين عتاب = للجادل اللي صده مصيبه
أتلى العَهَد به في اغسطس آب = الفين وخمسه ذاك علمي به
أسهر وقلبي ياحمد من غاب = والهم يقبل به ويقفي به
أبا اتمنى والبخت جلاب = يالله عسى الاقدار تومي به
يلملم شتات الهايب المرتاب = ويبعثره ويعيد ترتيبه
ويمد لي من بعد طول غياب = فنجال واقدع من مذانيبه

وسلامتـــــــــــــكم ...