إلا رسول الله

[خليل المطيري]

بسم الله الرحمن الرحيم

السلام عليكم ورحمة الله وبركاته

قصيده متواضعه

إلا رسول الله ما منه معذار = أموالنا والعرض والروح تفداه
صلى عليك الله يا خير مختار = يا خير مخلوقٍ نصلي لذكراه
يا خير من يمشي على الأرض ويغار = محبتك فالقلب دين أعتقدناه
من دون عرضك نشهر السيف بتار = ما يهتني في نومه اللي قصدناه
ما ينقصك تطبيل حاقد وكفار = ما ينقصك فعلٍ يسويه غوغاه
يا أمة المليار والدم ما فار = ملياركم ياهل المحبه نخيناه
الدين دين الله وللدين مقدار = والهادي اللي دلنا كيف ننساه
ما ينتصر شعبٍ لياليه مزمار = ولا ينهزم من يطلب الرب مولاه
أعظم رجل وأكرم رجل بين الأخيار = اليوم دار الكفر ما عاد يخشاه
وأحنا السبب ما نكرمه وقت الأسفار = ما نتبع السيره ولا نطلب رضاه
ضاعت محبتكم وتقديركم غار = لا تخضعون السيف الأبتر شريناه
يا قوم عودوا نطلب العز يندار = والعز ما يندار من دون ننصاه

خليل المطيري
1/1/1427هـ