((...ثلاث في الدنيا ...))..وكل عاااام..وأنتم بخير.,,

[بندرالرشيدي]

بسم الله الرحمن الرحيم

السلام عليكم ورحمة الله وبركاته..

أحبتي الكرام...أبارك لكم وللأمة الإسلامية في سائر أقطار المعمورة
حلول شهر رمضان المبارك..جعلنا الله وإياكم ممن يحتسبونه صياما وقياما.

وبهذا الشهر الفضيل..أضع رهن أقلامكم..قصيدة.متواضعة جاشت بها مشاعري..
عسى أن يكتب لها القبوول

..

((...ثلاث في الدنيا ...))

ثلاث في الدنيا تعزك..وترفعك=فيها نبي الله ياا لعبد وصاك
علمٍ تعلم به وإذا مت ينفعك=أو مال يعينك..لدينك..بدنياك
والثالث اللي لا غدا اللحد مضجعك=يدعي لك إن الله من النار يحماك
عليك باللي عند خالقك يا سعك=خلك مع أهل الخير لا تحيد اخطاك
د ا يم لفعل الخير عزز دوافعك=واقتل بذاتك دافع الشر لاجاك
خلك نهر في الطيب تزهر مر ا بعك=وافتل حبال الحق للي تحداك
أوصل ذوي القربى لو انه مقاطعك=و ا كرم جناب اللي من البعد ينصاك
لاتقول قول مايناسب لسامعك= ولا تسمع اللي لا هرج هرجةٍ لاك
ولا تجادل..اللي في كلامك ينازعك= واللي يبي يز علك جند له ارضاك
مما يعلي من مقامك تواضعك= والكبر للي من ولا شي سواك
جاهرت في قولك..أو أسررت يسمعك=حسناتك أحصاها ويحصي خطاياك
لو أنت في الدنيا كثيرة مطامعك=ما أنت آخذٍ منها سوى ما الله أعطاك
ترحل..من الدنيا لوحدك,,ولامعك=ألا عملك اللي عملته بدنياك
إن كان خير بصفوة الخلق يجمعك=في جنة الفردوس يا طيب ملفاك
وإن كان شر أهوال قبرك..تروعك=بابٍ لتعذيبك ليا خاب مسعاك
في زمهرير اللي أُعدت لتا سعك=- إن ما رحمك الله- مقرك ومثواك
لله ما تعمل ولله مرجعك=اعمل و تلقى ما عملته ويلقاك

أسأل الله العلي العظيم..أن يجعلني وإياكم

في زمرة الصالحين..مع المصطفى وصحبه والتابعين..لهم..

أخوكم..

بندر الرشيدي...


:rose: