مصافحه اولى عسا ان تنال استحسانكم ورضاكم

[تركي النومسي]

السلام عليكم ورحمة الله وبركاته ،،،،،،،،،،،،،،، وبعد

يسعدني ان انظم لهذا الصرح الشامخ واكون عضو به

واول مااقدم لكم هذه القصيده آملاً ان تنال منكم الاعجاب


وبسم الله نبدأ

يالله يامـن يــطـلـبـك جــمـلــة الـنـاس=فـوزٍ بـمـسـكـن جـنـةٍ مالها جنــوس
إنـك تـثـبـتـنـي مــن الــراس للـسـاس=في موقـف تذهل به الناس وتحــوس
في موقـف يـجـمـع مـن الناس اجناس=هـذا مـن الـمغرب وهـذا من الروس
لا صـارت العالم عــرايـا بـلا لـبـاس=وكـلٍ تقدم في حصل درس مدروس
احـد حـصـيـلـه يجعـلـه يـرفـع الراس=واحـد حصيله يجعل الراس منكوس
يارب جـنـبـني عــن دروب الاتعـاس=ويارب حـظـي لاتـخـلـيـه منـحـوس
انت الـكـريم وراعـي الـحـلـم والباس=تعـذب نفوس وبالعفـو ترحــم نفوس
عـطـفـك ولـطـفـك عـندنا مالـه قياس=وماغيرك اللي نحني لوجهـه الروس
ان مااشملتنا عـنـد شـهـقـات الانفـاس=رحـمـتك ولّـيـنـا ولــنا الـذِّل ملبـوس
وانّ اشمـلـتـنـا بـعّـدت عـنّـا الافـلاس=مـن مسـكـن جنانٍ وعــزٍ ونامــوس
يارب جـيـتـك ماطـوى حـالـي اليـاس=وعنـدي أمل ترحـم عبيدٍ لها تروس

وسلامتكم جميعاً


مع اجمل تحيه


تركي النومسي