&&.. شـيـخ الـهـجـوس ...

[شهاب الأحمد]

حي شيخ الهجوس اللّي سرابي معاه= لين ماشّرب احساسي معاني الصور
اسّرج الصعب فيني جعل ربي يهداه=من السهر يستجير بداخلي بالسهر
كل ماستّلهم إسقآطات فكره مداه= إضحكت له مواني وابتسم له بحر
استفز الكتابه والقلم والدواه=يوم نآدى بحور ويوم لبى شعر
في خضّم إضّطراباته تهامل عطاه=موكب احلام وطموحات ونجّوم وقمر
يبّهر البّرق في لونه وفجأة سناه=عاد منه يلوم البرق ليه انبهر
صب ليل الدجى بالشمس في مبتداه=وانتهى الشمس من ليل الدجى تنتصر
لاتلّبسك ببّسط مايكون برضاه=كل سّربٍ شرود من القصيد يحظر
يسكن الورد بنفاسه وياخذ شذاه=من شذى الورد وانفاسه احساس وعطر
لانظر في عيونه معّجزه من حلاه= من حلاه بعيونه معّجزه لانظر
عين فيها هلاك وعين فيها نجاه=يجمع المتّناقّضات من الحكم والعبر
كن فيها خصوم وكن فيها قضاه=يعني لكل شيٍّ في عيونه أمر
احّرج العبّقريه بفطنته وبذكاه=يفتل اللي آمان وينقض اللي خطر
من بهاه يتوارى بالخجل في بهاه=مابعدها قوام. ولابعدها خصر
رقته ذوقه تغليه ضحكه بكاه=وإن تبختر ضاعت عقول ونّجنت بشر
طاغي بحسنه اللي كل حسنن كساه=فيه حسن الآعآجم .فيه حسن الغجر
الله اكبر عليه يحق له في طغاه= كان هذي علومه يستريح الصبر
كل ماقلت بس هنيه ذا منتهاه= لاح لي شي ادهى بالمعاني وأمر
استباح الغرام العف طاهر هواه= من هكالحين ليما الحين وآنا انتضر
ويّزهر من الطّهاره لون مافي سواه=فيه اعف العفاف وفيه اطهر طهر
في صلاته خشوع وفي خشوعه صلاه=نور وايمان ودموع وصلاه وذكر
كل درب بخفوقي مر فيه ومشاه=حط ذكرى غلاه بكل درب وممر
يجمع احساس صبحه في نوايا مساه= والمساء يجمع احساسه لخيل الفجر
ينزف البوح في دربه وينسج خطاه=ينسج خطاه دربه بوح نزفه حبر
لين مايستقيم الطّرح فيما بناه= وتستقر المعاني بين عجز وصدر
الخواطر تجيه ويكتب اللي قراه=يكتب اللي على فكره وباله خطر
للعذوبه ذهول من الكلام ان حكاه=وان سكت للذهول من العذوبه حذر
ينثر الحآن طيفه للعصافير ماه=لجل يروي ضماها عزفها للنهر
الزهر بس يغرّد يلتقي في نداه=والندى بس يغرّد يحتّضنه الزهر
إستخارت رماح طعون صدره دواه=واستثارت سحايب وستهاجت مطر
كل مامر مسرى للكواكب سراه=يسري بكل مسرى للكواكب يمر
مابقى بالمعالي عاليٍ مارقاه=وش بقى بالمعالي عاليٍ ماعبر
وان توشح بنّية شي في مبتغاه=من الثمر يقطف اللي بغير وقت الثمر
الشجر والرياح والف الف اتجاه=تندمج من طربها وتمايل فخر
الخواطر تجيه بعزها من غلاه=ويحتويها حشيمه ويحتويها قدر
فيه للعز درب وفيه للدرب جاه=جاه عزٍ بدربه منعرف ونذكر

[حمد فرحان]

يجمع احساس صبحه في نوايـا مسـاه
والمساء يجمع احساسه لخيـل الفجـر
ينزف البوح في دربه وينسـج خطـاه
ينسج خطاه دربـه بـوح نزفـه حبـر


شهاب الأحمد



ألف صح الله لسانك ولاهنت


قصيده في قمة الروعه


فائق تحياتي

[شهاب الأحمد]

المشاركة الأصلية كتبت بواسطة حمد فرحان

يجمع احساس صبحه في نوايـا مسـاه
والمساء يجمع احساسه لخيـل الفجـر
ينزف البوح في دربه وينسـج خطـاه
ينسج خطاه دربـه بـوح نزفـه حبـر


شهاب الأحمد



ألف صح الله لسانك ولاهنت


قصيده في قمة الروعه


فائق تحياتي

مشرفنا الغالي
الاستاذ الفرحان

نورت المتصفح بمرورك

لتواجدك خصوصيه لاتشبه سواك

شكرا من القلب على الذائقه والاستيعاب

تقبل صادق الود
وجزيل الاحترام اخوووووووك

[مشاعل ابراهيم]

أخي شهاب



الله الله
الف صح لسانك يالغالي
قصيدة في قمة الروعه
وابيات غارقة بالجمال
لله درك ولا هنت

تحياتي

[فهد الدباسي]

شهاب الأحمد


نصٌ حملَ كثيراً من الصورِ و التشبيهات الرائعة


هنيئاً لنا بك وبـ هذا الحضور العاطر



صح لسانك و لاهنت

تقبل تحياتي

[محمد الناصر]

نص مليءٌ بالشجن و الروعة

..
قراءته تسر القلب و تسعده

..





صح لسانك ولاهنت

[عبدالمحسن الشاهر]

شهاب الأحمد

ونص رائع راقي جدا

يدل على قوة وبراعة الشاعر في التلاعب فيتركيب الكلمات وبمعنى ارقى وألذ

قوة شعرية ترتقية لها الذائقة لتعانقها

الشجر والريـاح والـف الـف اتجـاه
تندمـج مـن طربهـا وتمايـل فخـر

الخواطـر تجيـه بعزهـا مـن غـلاه
ويحتويهـا حشيمـه ويحتويهـا قـدر

فيـه للعـز درب وفيـه للـدرب جـاه
جـاه عـزٍ بدربـه منعـرف ونذكـر

صح لسانك مليون يا شهاب

دمت مبدعا على أمل جديدك

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

.
.

شاعرنا الرائع



شهاب الأحمد

.
.


قصيدة رائعة وشامخة

صح إحساسك ونبضك

ونبع فكرك الذي لاينضب


كل الود لك





إيمان

[محمد الفرحان]

.

.

شاعرنا

شهاب الأحمد

.

.

صح لسانك وعلا شانك على هذه الرائعه

بروعة مبدعها . .

.

.

سلمت وسلم نبضك واحساسك وننتظر تواصلك

بالقادم والأجمل . . .

.

.


لاعدمنا حضورك . . . .

.

.

تقبل فائق تقديري واحترامي