الحب صفحة ماتعيب الرجاجيل..

[إبراهيم الشتوي]

لذلك الإنسان الطاهر ولبياض قلوبكم ..

لك ياسعد قلبٍ عروقه غرابيل =وهمك سنا برقه عيوني تخيله
أدري جروحك ما شكت عن وفا ليل =وهمك حكى شمسك ونت تحكي له
وفنجال حبك ماعرف نكهت الهيل =دام الزمن بهر علومك بذيله
ياصاحبي .. لاتشتكي قلة الحيل =ولا تشتكي طير غدابك رحيله
الوقت لو يزرع بارضك بهاذيل =وش عاد لو تسقي فراته ونيله
والغصن مايسلم على كثرة الميل =لوهو حمل وردٍ فلا ضر ميله
والحب صفحة ماتعيب الرجاجيل =لاحبرت في ود نفس ٍ نبيله
وللحب دمعه ما تصافح مناديل =دام الجفن يرمش برمش الرذيله
والشمس لو تغرب لها بغربتك حيل =خل الأمل شمعك وصبرك دليله
ونتَ بياض الدرب في خطوتك مـِيل =خطوة بخطوه .. لين لونك تجيله
ولك خافق ٍ كلٍ بغابه مداهيل =ومدهال قلبك للهنوف الجميله
هي الغرام اللي سقا وجهتك سيل=لا عانقت نظرات عينك لسيله
وياصاحبي ياعل عمرك تساهيل =وكل الغلا يثمر بحبك نخيله
ويا صاحبي لوقلت باقي أقاويل =وباقي قراح ٍعذب ليتك تجيله
والفعل يبقا والحكاوي مراسيل =وقولٍ بلافعل ٍعلينا فشيله
مره أشيل الورد ومره لي يشيل =ومرات أنتَ في يمينك تشيله
أقولها في فم باقي تفاصيل =الحب خيل ٍ ما تعسفه فـ ليله
والاّانت حبك ياسعد نكهة الهيل=ولا يشرب الفنجال غير الطويله

[محمد الفرحان]

.

.

شاعرنا

ابراهيم الشتوي

.

.


صح لسانك ويسلم بنانك على هذه القصيده

الرائعه بروعة مبدعها . .

.

.


سلمت ياشاعرنا ودمت مبدعا" كماانت . .

.

.

تقبل فائق تقديري واحترامي

[( حايره )]

أبراهيم الشتوي


كنا نود عتابك على الغياب

لكن بعد هذه الفاااتنة

فلا يحق لنا الكلام

فقط علينا الإستمتاع بكل حرف


ألف صح لسانك

ولا هنت

[خالد ماطر]

والفعل يبقا والحكـاوي مراسيـل
وقـولٍ بلافعـل ٍعلينـا فشيـلـه

المبدع ( ابراهيم الشتوي )

اسمحلي

لو قلت هذا البيت كفاك وزاااااااد0000


رائع يا ابراهيم



قصيده عذبه ومتقنه باناملك القيمه


تقبل كل تحياتي وتقديري

[سـعـد الحويماني]

الوقت لو يزرع بارضـك بهاذيـل
وش عاد لو تسقي فراتـه ونيلـه

صح لسانك

نص رائع من شاعر جزل

تحيتي

[مزون المحمد]

إبراهيم الشتوي


حضور رائع .. استمتعنا به


دمت بهكذا إبداع

[بسـام بن عبدالعزيـز]

إبراهيم



صح كلك

استمتعت بحروفك



كل الودّ

[مشاعل ابراهيم]

أخي ابراهيم الشتوي





ألف صح لسانك على هذه القصيدة الرائعة




التي بروعة حضورك وعذوبة تواجدك




دمت بكل خير

[حمد فرحان]

إبراهيم الشتوي

صح الله لسانك ولاهنت

قصيده الحب عنوانها والروعه حروفها

رائع بحضورك وتواجدك

تحياتي

مبدعنا



إبراهيم الشتوي


ما أجمل واروع الحضور

وما أعذب وانقى القوافي






إبراهيم



أقف بين ثنايا إبداعكـ

بحيرة شديدة

هل يمكن لنا ان نجاري

مثل هذا الابداعإبراهيم

شاعرنا المبدع


مودتي وتقديري




إيمــــــــان