كبرياء العين

[عيد السعدوني]

اولا السلام عليكم ورحمة الله وبركاته

واسعد الله اوقاتكم بكل خير

اقدم لكم نص شعري عسا ان ينال اعجابكم

وهي اتت من موقف ما

واشكر كل من مر من هنا مقدماً

كبرياء العين خلا للهـــــدب عز ومكانه=فـــــي صميم الي يقدر دمعها وقت الغبينه
وللوفا قلب يشيل الود لو حــــــده زمانه=مـــــــع رفيق ٍ ما يرده بالعطا غلو الثمينه
والفتا لو شح وقته مـاتزحزح عن مكانه=عزته فوق الثريا لانتخى دايـــــــــم تعينه
والصبر لو طال شــــفه وابتلاه بعنفوانه=مــــــا يزيده غير باس وشدة ٍ تجبر ونينه
والغرام ان هل مزنه مـــاروينا من حنانه=وشهواللي يجبر العاشق يساوم في سنينه
وانتي انتي مــاعرفتي كيف مقدار الامانه=يوم قلبـي مــــا تردد جاك معطي راحتينه
كل جرح ٍ من يمينك مانقص بل زاد شانه=يوم لنيه نسايم ذعذعت مـــــــع غيمتينه
والله انك ساكنه بالقلب مـــــاجيتي وزانه=ولأغيرك مـــــــا نظرته ون تكلم سافهينه
مـــــــاملكتي غير قلبي وحترامه ومتنانه=وش بقا فيني ومنـي ترتجـــين وتملكينه
عاشق ٍ مــبداه واضح والغلا لاماستهانه=يقطف ورود المعاني وراس ماله وردتينه
مــــاهدالك كود طيب ٍ لاتصافق زعفرانه=فــــج للعالم سحاب ٍ يروي القاع وبطينه
لاكن انتي مـــاوفيتي يوم نلتي من كيانه=تحسبين ان الهدب لوطال سيتر وجنتينه
وش عطيتي للهواوي غير بهتان ولعانه=والبلا مــــا كنك الي فاضـــخ بيديه عينه
جعلك لــدرب سفير نرجسه يسكن جنانه=دعوة ٍ من راس مسلم مانسا اصله ودينه
ولاانا مالي برمش ٍ صاحبه بالوقت خانه=تاركينه فــــي سلام الله على الله تاركينه
لك عطيت الراس ياحلمٍ ذبحني بامتحانه=مـانسيتك لويطول الوقت لاجلك صابرينه
مــــاترجل غير رجل ماملت عينه جبانه=واضع بين الضلوع الحدب هقوة والدينه
مـــاتعذر في ظروف مالها صك وضمانه =ولاتعذر فـــــي زمان مختلط شينه وزينه
صاغها بركان شاعر مـايقول الحظ وانه=عارف ان القدر مـــكتوب من طلة جبينه
وش بقالك ياولد عمي وقلبي دوك عانه=تاركه بيـن الشتا والقيض وظروف لعينه
مبرين ذمــــــة خفوقه يوم وصلك امانه=والله اعلـم بالبحر وش هو مخبي لسفينه
والشعر لابوه لابو ملــهمه انسه وجانه=كان مـاحرك شعور القوم وطرب سامعينه
قلتهالك ياولد عمي بلامــــــــزح وميانه=افهم المــعنا ودرب القاف لاجلك راسمينه
اما تفزع فزعة اللي رافعه قدره وشانه=ولاكثر الهرج مايروي ضما راع السمينه

اخوكم / عيد السعدوني

[نواف السعدوني]

قلتهالك ياولد عمي بلامزح وميانه
افهم المعنا ودرب القاف لاجلك راسمينه


ان شهد ياعيد


الله عليك

والله على بوووحك

صح السانك مدد وبلااااااعدد


تحيتي لك

[حمد فرحان]

عيد السعدوني

قصيده جميله

لاهنت

وصح الله لسانك

تحياتي

عيد السعدونى


صح احساسك ولسانك

مبدع وراقى جدا




نغم

[جارح الكسر]

السعدوني


صح لسانك

وعلا شانك


جارح الكسر

[عبدالله العويمر]

والفتا لو شح وقته ماتزحزح عن مكانه
عزته فوق الثريا لانتخى دايم تعينه


عيد




سلم قلبك وحرفك



























مودتي

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[ليان]

كـــــبـــــريــــاء الـــــعـــــيــــن ..

الشاعر عيد السعدوني


دمت بهذا التألق ..

[( حايره )]

عيد السعدوني

كــ ضرب المدافع .. أتت هذه الكلمات بقوّتها

وكــ سيل المدامع ... أتت هذه الكلمات بعذوبتها


ألف صح لسانك

ولا هنت

[محمد الفرحان]

.

.

شاعرنا

عيد السعدوني

.

.

صح لسانك واعتلا شانك

.

.

قصيده رائعه بروعة مبدعها . .

.

.

دمت بهذا التميز وهذه الشاعريه

ولاعدمنا تواجدك . . .

.

.

تقبل فائق تقديري واحترامي