اختلاف الرأي لايفسد للود قضيه (( مصافحه أولى ))

[عبدالله فارس]

حضور أول في المنابع
أتقدم من خلاله بالشكر
للأستاذ (( نايف الجزاع ))
على دعوته الكريمه وأتمنى
أن أكون عند حسن ظنكم جميعاً

الود باقي لو أخالف قرارك = طال الغياب ولو تقولين ماطال
لاتسألي عن حالتي بإنتظارك = بس إسأليني في حضورك عن الحال
قبلت من دون إعتذار إعتذارك = ونسيت حزني في فرح فرحة وصال
بالشارع اللي يحتضن سور دارك = شفتك وزال الجرح فيني ولا زال
الشال يفشل لاوصل لإختبارك = جيتي بشال وكنك اللي بلا شال
خمرة شفاتك خلف ظلمة خمارك = بانت وصعب ٍ يحجب الشمس غربال
بإقفايتك ليل وقدومك نهارك = يعني غيابك هم وقبالك آمال
خليني أبقى بين نبعك ونارك = نارك تطفيني وفي نبعك إشعال
عادي قصيدي لو يحوز إنبهارك = وإنتي هزال الشعر بوصوفك جزال
ولو مر قيس بن الملوح جوارك = يلعن أبو ليلى وليلى والأطلال

شكراً من القلب
لكل من مر من هنا

عبدالله فارس