يا رب تتشكل سحابه لـ طيفه

[محمد بن ضحي اليحيائي]

بحمد من الله حصلت على المركز (الثالث) في الملتقى الشعري للكلية التقنية العليا بمسقط

عن نص "خدي و قبرهـ"

وسأضع النص هنا بين يديكم:

..((

تتبخّر احلامي وعيني على الجو
يا ربّ تتشكل سحابه لـ (طيفه)

يا ربّ انت ادرى كثر حاجتي تو
محتاج له حاجة مجاهد لسيفه

اوراق صبري ما قوت قسوة النّو
يتساقط الصّبر وتزايد حفيفه

كان الربيع اللي به الغصن يحلو
واليوم اغصاني كسرها خريفه

كان العشم لي ضمّد الجرح من سو
الجرح ينزف .. من يوقّف نزيفه؟

شف حالتي بردان وضلوعه الضّو
كيف احطبه والايد صارت ضعيفه

ابنشدك يا قبر لا تقول لي بهو
ابنشدك عن حال زايرك كيفه؟

قلّي من البارح الى الحين شـ يسو؟
خدّي ع صدرك ارتجي منك شيفه

ممكن ثواني تفتح الباب؟ بس لو
قيس العيون تشوف طلّه شريفه

بسري بذكرى ما أبي عندي مخو
يمكن تروف السّحب واشوف طيفه

يا زيف دنيانا مثل بارق ن ضو
نحسبه دايم بس تلاشى بـ زيفه

حالي مثل غزة برى حالها؟ أو
تحلم شراتي في رجوع الخليفة؟

))...



سلمولي عليكم

محمد بن مرزوق بن ضحي