صـاحـب سـمـوّ الـقـلـب []

[عادل السلطان]

السلام عليكم

الله يقدرنا على الوفاء لموقع الوفاء / ورجل الوفاء وتسمح لنا الظروف

بالتواصل مع الأحبه والأخوه هنا ..

متواضعه قديمه ومن احب القصائد لديّ .. اتمنى ان ترتقي لكم

/
\

تدري وش اللي يصير لحضة غيابك ؟؟=أحس نفسـي تشتعـل مـن غضبهـا
تلقـى خفوقـي واقـف يطـق بابـك=ودمـوع عينـي تنتثـر مـن عتبهـا
و..أسرح مع بروقـك وأخايـل سحابـك=وتيبس عروقي والالـم قـد شربهـا
و..أمشي مع الهاجوس اطـارد سرابـك=وأشـبّ نيـرانً ظلوعـي حطبـهـا
و..انظم قوافـي عشقنـا فـي كتابـك=وحبـر القلـم ينثـر حـروفً كتبهـا
و..اشكي على اوراق الأسى من عتابـك=مـادام دنيـا الهـمّ واسـع رحبهـا
و..ارسم سهم داخـل خفـوقً سطابـك=قطرات دمّه .. مـن غيابـك سببهـا
و..تبكي عيونـي للوفـا مـن عقابـك=واقـول لعبـه .. والهـوى بـي لعبهـا
مّرات .. حرفي من وصوفـك يهابـك=ومرات .. يضرم نـار بُعـدك لهبهـا
يطعن يقيـن الشـك زيـف ارتيابـك=على مزون احـلام.. وبـلً سحبهـاا
لعبـة صـراعً داخلـي مـع ضبابـك=أعيشهـا صمـت .. وذهـولً عقَبهـا
يعني أغتيال النفـس : - وقـت اغترابـك=وتعتق جنون العاشق اللـي اكتسبهـا
مااقدر اعيش الهـمّ وقسـوة عذابـك=وتجعل عروق القلـب تكثـر عطبهـا
مجـرّد اوهـامً وعشقـي صحـابـك=زلّـة لسـانً والـقـدر محتسبـهـا
عن الكلام المجحف..احسـب حسابـك=حـرّك سكونـي والحنايـا اجتذبهـا
مادام اعيش الشـوق وقلبـي زهابـك=شرّد ..طيوف الحزن واعـدم شحَبهـا
ترجـم غـرامً فالمشاعـر تشـابـك=يقـرى تفاسيـر العيـون وهدبـهـا
باعذب كلام العشـق / سيّـل لعابـك=والهجر يكـذب : حامـضً ياعنبهـا
صاحب سموّ القلب .. حضـرة جنابـك=كل الصفات بحضـرة الملـح تبهـى
ترف العذارى والحسـن فـي شبابـك=تروى عروق اللي سعى فـي طلبهـا
تكفى دخيلـك ..الا .. لحظـة غيابـك= احــــسسس نفسـي تشتعـل مـن غضبهـا

/

\