هجرتك

[أحمد الميزاني]

على كثر ماكنت تملك حنيني =شفني قدرت انسى غلاك وهجرتك
وعلى كثر ماكنت مني وفيني =تركتك بحالك ورحت ونكرتك
شف من عقب ماكنت زينة سنيني =هدمتك بقلبي مثل ماعمرتك
مال للطعون الضهر عذرٍ سميني =على خيانة خافقي ماجبرتك
تذكر ياخاين يوم قلت بتجيني =ياما على ذاك الرصيف انتضرتك
اول لقاء جذاب بينك وبيني =كان بمحل العطر يومي نضرتك
قبل امس جيته واحسبنه نسيني =وسالت دموعي مو عشاني خسرتك
تدري وش اللي سيل دموع عيني =شميت عطرك فالمحل وذكرتك

[إنزوآء انثى]

الله عليك يآ أحمد

تدري وش اللي سيل دموع عينـي

شميت عطرك فالمحـل وذكرتـك

روعه وأكثر من ذآلك

صح لسآنك يآشاعر

درر لم استشف من قبلها عبقا ك هذا

لاحرمنا الله نبض يمينك

لاتحرمنا نزفك

كن بخير وس أكون هنا اكثر

[قديم الشوق]

شاعرنا / أحمد الميزاني

صح لسانك وأنا أخوك

مبدع كـ عادتك

وقصيدة مليئة بالشجن والجمال

أشكرك من الأعماق على هذا الإمتاع

وتقبل فاائق تقديري واحترامي