عطر القصيد

[عريب نجد]

بسم الله الرحمن الرحيم
السلام عليكم ورحمة الله وبركاته
لااتقن المقدمات ولكن يسرني ان اكون بينكم
انثر بعض حروفي المتواضعه هنا والتي اتمنى ان ترتقي لذئفتكم
اقبلوها كماهي

وين انت يللي داخل القلب مرباك =طفل ٍ تغنج والمشاعر تضمه
حاولت ابي انساك وازريت لانساك =من بعدكم حالي غدت مستسمه
بنيت لك بيت ٍ من الشعر يفداك =اكتب حروفي وانثره ثم المه
من قبل عام ٍ اقضي الوقت وياك =واليوم ماعندي سوى العطر اشمه
عطر القصيد اللي بقى منك ذكراك =امنتني به صرت خاله وعمه
مثل اليتيم اللي بكا حر فرقاك =من عقب مانت اللي يبيه وتهمه
في ذمتك منهو يسوي سواياك =خليتني طير ٍ سكن عش همه
بديت انا الخطوه مع درب فرقاك =واظنني قد جبت فيها المطمه
مجبر انا ماهي بطوله ابسلاك =لابد ماربك يجي منه لمه
صديت عنك وكل مافي يبغاك =صدت يتيم ٍ عينه القبر امه
لاواحشا درب الردى ماتخطواك =محشوم عن حكي الردى والمذمه
الطيب مخلوق ٍ المثلك وشرواك =ياللي سكنت بخافقي راس قمه

اختكم
عريب نجد

[عبدالعزيز الراشد]

عريب نجد ..

يا سلام عليك ..

في ذمتك منهـو يسـوي سوايـاك
خليتني طير ٍ سكـن عـش همـه

الله عليك ..

عريب نجد صح الله لسانك ..

قصيده طيبه وجزله ..

امتعتينا بهذه الرائعه ..

واصلي فـ نحن بانتظار جديدك ..

[عريب نجد]

صح بدنك اخي القدير


ولاهنت

[قديم الشوق]

عريب نجد

أهلا ً بك ِ معنا في منتديات منابع الأدبية التي تتشرف بك وتسعد

وقصيدتك هذه أجمل من كل المقدمات

وهي المقدمة الحقيقة لـ اسم مبدع مثل عريب نجد

صح لسانك على هذه القصيدة الفاخرة

وسلم نبضك المميز

وفي انتظار المزيد من هذا الجمال

وتقبلي فاائق تقديري واحترامي