واذا ناوي تخليني ؟

[فهد الماجدي]

للتواصل مع التحيّه والاحترام ياهل منابع الكرام



,,


الا ياللي تعذبني وانـا ماقـدر علـى فرقـاك
دخيلـك يابعـد عينـي اذا نـاوي تخلينـي




انا اللي ماقدرت انسا ولانـي قـادر ٍ انسـاك
اذا ناوي تخلينـي حبيبـي معّـك خلينـي !




الا والله وحق الله وثـم والله كثيـر اهـواك
ولكنك تمـوت احيـان يالمغـرور تكوينـي




دلالك زايد واطغاك وسبحـان اللـذي سـواك
ولولى الخوف قلت انك مكمل يابعـد عينـي




جمالك سخره ربـي ولكـن ما.امـر بطغـاك
تمشيني علـى كيفـك وتامرنـي وتنهينـي



ترفق يانظر عينـي مـدام مسلهمـه عينـاك
ترفـق لاتعرضنـي هبـوب ٍ بردهـا شينـي




تذّكر قبل يوم اٍنّا على عهـد الهـوى ويـاك
سحابه كانـت الدنيـا قبـل مانتـي تعّنينـي



بكيتي اي نعم سالت دموعك من على وجنـاك
بعـد محنـا تفارقنـا ,, ثـلاث ايـام وتجينـي




وهالحين الغرور اطغاك من راسك اِلي ماطاك
عقب مانتي على الفرقـا قسمتـي ماتخلينـي




دخيل المبسم الحالي عسل دوعن يجي من فاك
دخيل ان كان لـك نيّـه تعنينـي وتشقينـي




حبيبي اي نعم غالي كما ظبي الفلا بممشـاك
احبك والغلا طاغـي وسـاري فـي شراينـي




اذا ناوي على الفرقا انا ماقدر علـى فرقـاك
واذا ناوي تخليني ...انا ارجووك اعفييني !!




,

[قديم الشوق]

فهد الماجدي

ما أجمل هذا التواصل وليته يستمر بدون انقطاع

وصح لسانك على هذه الشامخة

قصيدة عذبة ومترفة من شاعر قدير ومتمكن

شكرا ً لك من الأعماق على هذا الإمتاع

وتقبل فاائق تقديري واحترامي

[نووود]

فهد الماجدي
قصيدة رائعة
عذبة الالفاظ
جميلة في معانيها
صح لسانك

[عناوين الدمـوع]

صح لسان واعتلا شانك

قصيده عذبه .. ولغة عشق خاصه

شكرا على هذه الرائعه

[محمد الضرير]

فهد الماجدي

ما أجمل هذا التواصل وليته يستمر بدون انقطاع

وصح لسانك على هذه الشامخة

قصيدة عذبة ومترفة من شاعر قدير ومتمكن

شكرا ً لك من الأعماق على هذا الإمتاع

وتقبل فاائق تقديري واحترامي



محمد الضرير