فــوز وخــسـاره

[محمد الأسمري]

متواضعه ..

للتواصل

يا مروض فيني الإحساس لا لا.. تستثيره=عمري اللي قد مضى يا صاحبي كله إثاره
كنت أحبك يوم كنتي في الهوى توك صغيره=يوم كنتي تتقنين الحب أسلوب ومهاره
يوم جيتيني أنتشيت وفرحتي كانت كبيره=كان حبي لك يجسد أسما آيات الطهاره
كنت أقول اتموت فيني وانا ما ابي حب غيره=أنا كنت أنسان ثاني فيك عاشق بـ أستماره
لين بانت لي علومٍ أدخلت فكري بحيره =هي تبيني صدق ولا هي تبي فوز وخساره
حظك أني مادريت بلعبتك يومك أسيره=كان حملتك جبال الهم ،، كبر اجبال ( قاره )
دام حبك مثل غيمه ،، كل يوم اتزور ديره=والمخيل له معك حد النظر ،، حد أقتداره
أرحلي عني،، ولا ابي غيمة ماهي مطيره=( نو صيف ) ولاجهلنا نوة الصيف وغباره
والله أني لو رميتك ،، ماتقومي يالغريره=رميتٍ من زند رامي ماخطااا يومٍ عياره
لو أبي العب لعبت ولعبتي دايم خطيره=ولوهي الدعوة تحدي كنت فايز وبجداره
لجل هذي تالية وقتك معي فــ ،، البعد خيره=خيرة الله خير ،، والدعوى تري ماهي شطاره