خطوه اولى .. ( جرح السحاب )

[سامي الشرابي]

بسم الله الرحمن الرحيم


بكل فخر اكتب في هذا المنتدى

وشرف لـ قصائدي ان تنال من نور قرائتكم


والف شكر وتحيه للكريم / محمد الفرحان


على هذه الدعوه الراقيه

لا تنظرين السماء .. وتجرحين السحاب=مدام جرح السحاب .. يسيل منه سنا
صدي عن الغيم حتى .. ما يغير الضباب=الشوق جارح .. وصدك يستبيح الفنا
ما بل وجه الثرى .. كثرة مياه السراب=وما هز ريح القدر .. قنديل يضوي لنا
ابيك تحكين حتى تزهرين الثياب=ما كن ليل العرب إلا لك انتي وانا
غسلت وجه البخت من ضحكتك واستطاب=وغرست صوتك بصدري و اورق اذني غِـنا
ياعمري لولا الورق .. ماكان صار الكتاب=وياعمري لولا الغلا .. ماكان صرتي هنا
لا تلبـِسين الوصال العـف ثوب الغياب=الشوق جارح .. وصدك يستبيح الفنا
لاتنظرين السماء .. وتجرحين السحاب=بس ناظري في عيوني .. واجرحيني انا

سامي الشرابي