@دعوه للمساجله الشعريه خاصه وحصريه لرواد منتديات منابع@

[أكرم التلاوي]

يمك خذاني كل درب ٍ مشيته = وان جيت أببعد أقترب لك بطوعي

[ماجد الجهني]

كثير الصدق ما ساعد قلوب ٍ لفـّها الحرمان .. أمانة لو طرى زولي على جفنك تضميني

[أكرم التلاوي]

يراودني حلم غافي دفنته داخلي أزمان = كبر هالحلم واترعرع تغذى من شراييني
كبر حلمي وغافلني خذا دوري وصار انسان = وزولك صار له حـِلمه بعد منتي نسيتيني

[بسـام بن عبدالعزيـز]

ياللي جميع الناس بينك وبيني=وكل لحظةٍ أنا أنتظر منك ميعاد
عذري لياسي منك .. إنك تبيني=خنت الرجا .. وإن صنت .. لي عهد ووداد

[محمد الفرحان]

.

.

دنيا دنيه كل مابه مولي = تقبل ولكن لاقبلت كلها انشاب

.

.

بيت من اغنية قديييييمه للراحل فهدبن
سعيد هي اللي طلعت معي بحرف الدال

.

.

حركه حركه نبغى نوصل الألف
وحرف :
الباء

[بروق السحايب]

بعض القصايـد .. غـذا
وبعض القصايـد .. سـم

وبعض القصايـد .. كـذا
صرخة .. بليـّا فــم ؟!!

الـورد ينـزف شـذا
والجـرح ينزف .. دمــ !!

ومابين هــذا ... وذا ..
شوف المســافه كــم ؟!!


:rose:




حرف الميم

[لون الثلج]

:

من يقول الزين ما يكمل حلاه
........ كل شي ٍ في حبيبي اكتمل


حرف اللام

.

[محمد الفرحان]

.

.

-
لبيه كلمه هزت اقصى كياني = وساقتني لطيفك وانا مغرم(ن) فيك
-

لبيه بشفاهك لها طعم ثاني = لامرت بطعم العسل في اشافيك
-

حرف :
الكاف

[أكرم التلاوي]

كفي قصيده والقلم ما كتبها = وصدري ورق ما خالطته المحابير

[بسـام بن عبدالعزيـز]

راعي الهوى .. من راحة البال محروم=قربه وبعده نار .. مـا ينعـرف لـه