ذوقك هو الأجمل .. أختر قصيدة وأعرض ما أعجبك بها من أبيات

[نجديه]

وهذي ابيات قليله لكن...

اعتقد ان معانيها ... اعمق من كثر الحروف....




الغالي اللي كـل ماجيـت بيتـه أتخيله من قبل يرحـل ويخليـه
أجيه وأدري لو أجـي مالقيتـه لكن كذا أرتاح لاجيـت ماضيـه
والله لا اموت وغايتي مانسيتـه حتى بصلاتي اطلـب الله يهنيـه
الحاره اللى تفتخـر فـي مبيتـه نامت كما طفلٍ فقد حضن اهاليـه
حتى فغيابـه للشـوارع شكيتـه قالت تصدق عاد مثلك انا اغليـه
يشهد جداره من حنينـي بكيتـه ودي أضم جدار بيته وأنا ابكيـه

ما اصعب فقدان الاحبه

الام ... الاب... الاخ..................

[محمد الفرحان]

السموحه منك يالقلب الكبير=ماحصل مني غصب ماهو بيدي
انت تعرف غيرتي لما اغير=يظلم بوجهي ظلامٍ سرمدي
يشتعل في داخلي نار وهجير=من لهبها ماتهنا بمرقدي
مااحس الا وانا سيف النصير=اولى طعناته في قلبك تبتدي
واللي يذبحني سكوتك يالصغير=دوم صابر وانا اطعن واعتدي
ماتكلم لاجل في حبي اسير=غايتك ارضى وتسعى لاسعدي
ويل قلبي من الم جرحه شطير =جيت يمك اسبق الخطوه عدي
ماقصدت اجرحك يالوجه المنير=ولاقصدت ازعلك لحظه يابعدي
التمس عذرك وانا حالي خطير=وماحصل مني غصب ماهو بيدي

قصيدة لشاعر المنابع الأدبية
عبدالله الرقاص

[نجديه]

الله الله


تعدى الوصوف


محمد الفرحان.....


اختيار.... تعدى الوصوف

[نجديه]

السلام عليكم

صباح الخيرات


القصيده هالمره فيها مرح ... ومدعمه بالصور..هههههههههههه


حبيت على هالصبح ادخل المرح عليكم







الضـب قـدّم للـوزارة شكيـة
قال أنا مظلوم وسط الصحـاري
مسكين مالي وساطـة خارجيـة
الواسطـة للظبـا والحـبـاري
أشكي من الأزمة ظروفٍ قويـة
خص بالصيف والجسـم عـاري
محميـة الغـزلان دون الحويـة
وأنا مقطع وسط الرز البخـاري
في سوق الجمعة يحـرّج عليـه
مكتوب أسمي في السجل التجاري
لا طلعت أبـي أتمشـى شويـة
أرى الدداسن كوم تضرب بواري



اتمنى تعجبكم..... وخصوصا ... راعيين الضبان


نجديـــــــــــــــــــــــه....

[نجديه]

السلام عليكم


صباح الخير....






ياصباح الخير ,, يـاأحـلى عـيـون
ياعسى بس أهـتـنـيـتي بالمنام
طاب يومك ,, نمتي بعده في سكون
مانقلتي هـم ,, حـب ولاغـــرام
و"عاشقك" مانام من كـثر الطعـون
يـشـتكي للـيل .. من ظلم الآنــام
كيف نمتي؟ كيف تغمض لك جفون؟
"وعاشقك " ,, بسباب حبك ماينام

[محمد الفرحان]

.

.

صباح النور والسرور عزيزتي نجدية ومشكورة
على الاختيارات الروعة
ونستمر مع شاعرة المنابع الادبية لتميمية
وهذه القصيدة العذبة

.

.

اشكك في غرامه دوم /أنشف ريقه ودمه=تعذب قلبه اوهامي وانا ظنوني تعذبني
محال اليوم يمر بدون زعل لايمكن اتمه=غصب اخلق مشاكل له واجننه ويجنني
اجي واحوس له جوه وازيد بهمه وغمه =واذا هو اشتكى ابكي واقول انك ماتفهمني
يحاول يبتسم لكن يقول الاه من همه=يقول ارجوك ابي افهم وش المطلوب بس مني
عطيتك قلبي وروحي واحبك واعشقك جمه=ولاغيرك ابد انسان يبعثرني ويلملمني
تشوف العين ومهما تشوف مكانك باقي بالقمه=وحيده داخل فوادي ومنك الشك متعبني
دخيلك افهمي حبي ماراح اعيد هالكلمه=ترى صبري وصل حده ومابه شي يجبرني
بان اتحمل جنونك واشوفك منتي مهتمه=باني انبسط وافرح وقربك مو مريحني
خفوقي يعشقك وانتي خفوقك مانظر يمه =ذبحني شكك وخوفك ترى طبعك مايعجبني
دخيلك وش به مقصر ابي تقولين واتمه=حلفت الفين ماخونك وقلبك مو مصدقني
صرخت وقلت بعض جنون مثل ماتشتهي سمه =ولكن قلبي متأكد واحس انك ماتعشقني
ويوم ان هلت دموعي بدى يمسحهن بكمه=وقال الحين ابي اسال وابي قلبك يجاوبني
اخذ راسي الى قلبه وقال ابي بهالضمه =تسمّع دقة الخفاق وماتلقاه علمني
وقمت اسمع انا احبك وهو ماقالها بفمه =وعينه تحكي الاحساس اكلمها وتكلمني
ورحت ابكي على صدره وقال الحين بالذمه :=لو اني ماعشقك شاللي على هبالك يصبرني ؟

[نجديه]

فيني من هموم الزمن قلب للبيع
وحيد وان قالوا عليه إجتماعي
مجروح وجروحه بتنزف ينابيع
متشابهات مثل لدغ الأفاعي
واليوم خذها كلمتين وتوقيع
صحبه بدونك مالها أي داعي

[محمد الفرحان]

.

.

توأم الروح لشاعر المنابع
الادبية / عبدالله العجمي

للـروح توأم دون كل المحــــبين =مشارك ٍ نبضي بصــــادق احساسي
يانـور شوف العين ، والعين للعين =تـشـتـاق رغم ظروف شخصك وناسي
مهما ابتعـد ، ماوالله انسى ، وتبقين =تـــاج ٍ عـلى راس الــمــحــبه .. وراسي
والشعـر بعض البــوح في ساعة البين =والحـب مــوج ٍ هـد ّ عــضــدي وباسي
ومهما كتبت الشعــر .. أدري وتدرين =عن لـوعـة المنصف ، بوقـت المآسي
حتى ولو تخـطــين ، يحفظ لك الدين =وبســالـفـة طــيـبـك تـدور الأمــــاسي
لكـــن عـــزاي : ان الغــلا فـيه ثنتين : =يحـــيي الـقـلــوب ، وثابت ٍ كــالمــراسي

[محمد الفرحان]

.

.

لشاعر المنابع الأدبية :

محمد بن ساقان

........................................>

يـا ألـد
اصحـاب قلبـي يالحبيـب
كيف تطعنـي وتسئـل وش وبـلاي

يعني مو
سامع ورى صوتي نحيـب
ما تثاقلت الحـروف اللـي بـ شفـاي

انمسخ صوتي
وزاغ الجـرح شيـب
لكـن ورب الامـاكـن يافـضـاي

لو على
هـ الديم شرهـه مـا تخيـب
هقوت ارضي فيك ياغيمـة سمـاي

كم زرعت
بوجهك اغصان الزبيـب
وكم يبس حلقي على ينبـوع مـاي

قوم غمض
عينك الخجـلا وغيـب
ودي اعرّي ضلوعـي مـن عنـاي

ملت اعماقـي
تفـل الغـدر طيـب
ومل يشموم المحانـي مـن وفـاي

لا تثاوب
وانـت يالجـرح العطيـب
منعس بصدري على وسادة شقـاي

ماشربت
المـر يالغصـن الرطيـب
كود من حنظـل سرابـك ياضمـاي

ويش اسوي
لا فضحت شمس المغيب
صدري اللي ما ستر ضلعـه خفـاي

اندثر صوتي
علـى اسـوار القنيـب
ورحت انـادي للشـوارع يامـداي

ضقت فيني
ليـه يالكـون الرحيـب
وين ابرحل وآخـر حـدودي عنـاي

خلـنـي
بــروح ولاّ يالحبـيـب
بفهق ضلوعـي وناظـر وش وراي

مو بلاي اللي
على وجهـي غريـب
الوجيـه أهـي الغريبـه يـا بـلاي..!؟

[محمد الفرحان]

.

.

حزينة للرائع :
بدر بن غازي

يا حزني اللي شفت في عينك السـم=فرحي لماذا بحـزن شقيـت ثوبـه؟
ابسألـك بالله يـا هالحـزن كــم؟=أوعدتنـي لكـن وعـودك كذوبـه
المشكله هـرجٍ يبـي يعبـر الفـم=تآه بوسط صدري وتهـت بدروبـه
ياما دعتني (إمش) في خافقـي نـم=لكن أخاف الوصل فـي كـل نوبـه
ودّي ألبـي دعـوة الوصـل وآتـم=لكنّـي أذكـر (مسلـمٍ) نـام دوبـه
أخاف من ربـي وأكابـر ولا أهتـم=لأن كـل مسلـم يحسّـب ذنـوبـه
أشكي الظما مع إن في صدري الجم=وأخاف من كلمه علـيّ إمحسوبـه
آكل غلا وأدري إن في هالغـلا سـم=مدري غباء منـي أو إنْهـا عقوبـه
ما أداني أحدْ يقول لـي يابـدر قـم=ولهالسبـب واقـف بدنيـا دؤوبـه
واقف .. وأشوف بوجهي موقّف الهم=والناس غنّت في الزفـاف العروبـه
تحيا العروبـه .. مائنـا دونهـا دم=وأنـا أفكـر باللـيـال اللعـوبـه
وإنظر لها تمشي بهدآوه ومـن ثـم=تلقف يديها إيديـه بنـت العُذُوبـه
ذكرت يوم إنْها تجـي عنـدي ولـم=تتعدى تسع سنيـن طفلـه رحوبـه
تمشي وتمسك من طرف ثوبي الكـم=وأقول كنّآ فـي إبتهـآج الخطوبـه
صديت كني طِفـل لا مـا رضـع أم=ضآيع بهمّـه والعيـون إمعصوبـه
تبعت موكبهـا ودربـي ميـة يـم=مشيت دربٍ مـا أنتبهـت إلعيوبـه
فقط أبسألها عن وعـود مـن كـم؟=وأنا أنتظر وأبني على الطوب طوبه
وصلـت ليـن البـاب ويزمنـي زم=قهـري ولكـن العـروق إمهيوبـه
وجتني بسكوت وجيتها كنّي آصـم=عشنآ ثواني صمـت خيّـم غروبـه
ناديتها وردت علـيْ (يابـدر) سَـم=قلت بهدو جبت إلـك روح إمغلوبـه
جيت آتشـره وأذرف الهـم والغـم=ردت : قسم باللي خلقك إمغصوبـه