..!!! قيد انمـله !!!...

[فواز المطيري]

نويت اخضـّب ايدين القصيده.. واستر المكنون=مادام اللي يكفكف دمعة العينين راعيها
هلا.. واهلاً هلا.. واهلاً هلا.. واهلاً هلا.. مليون=حقيقه والحقآيق.. خافيه..! ياكيف نخفيها..؟

[فواز المطيري]

[ هـتـّـآن و سَـبِـل ]

الحرف له وزنه.. وللشعر قيفان=والشعر من دونه سجون.. ومُـعتقل
الطف من النسمه على كل الاغصان=عاش الخزامى من وصآله والنفل
والطف من النسنآس.. والين من البآن=يالين قدّه تنظره فِل.. و افل
واليا نظر بالعين مدعوج الاعيآن=يروح ميــّه من سبآيب هالمـُـقل
واليا نظر للغيم جاوبه هتـّان=واليا تبسّـم له يجآوبه بـ/ سبل
ياكيف لو يضحك ثواني من الان ؟=المملكه تمطر سيول.. وتحتفل
راضي عليه الله..له الدين جنحان=والفرض لا صـلاّه ..ماكبّ النفل
ماشافت عيوني ترى مثله انسآن=مايعشق المزمار.. ولاحتىّ الطبل
شتـّـآن مامثله.. ولا فيـه سيـّـآن=مافيه لا بعده.. ولا مثله قبل
سبحان ربٍ صورّه.. صدق سبحان=كلـّه حيا.. كلـّه خجل.. كلـّه نبل
كل السجايا له عناوين.. واعوان=رزين.. عاقل.. والثقل كلـّه ثقل
وان كآن للزله مواطن.. وسكـّـان=مامنـّـه الزله تجي مهما حصل
حصنه منيع..وثابته كل الاركان=وطبق الاصل.. يفرق.. اذا شفت الاصل
لعيونه اشري صنّ لو كنت خسران=ثري.. فور.. ونلحق الفوره .. دبل
احيآن اقول انه.. وانا اقول احيآن=ان جيت له عاقل.. اروح بلا عقل

[فواز المطيري]

انا واعوذ من قـولة .. انا.. والنفس.. مرتآعه=اخاف اليوم.. ولين اموت.. انا .. يانفس .. مرتآعي
انا العبد.. الضعيف.. المومن.. المجبول للطآعه=ومهمآ يصير..انا التقصير.. مدهآلي.. ومربآعي..!

[فواز المطيري]

ماجّيت اشارح فالهوى وتشارح=وماجيت ادوّر للخطا وامارحه
جيتك وانا المجروح وانت الجارح=وخطآك قلبي يحضنه ويسامحه
والله يعافي.. من عفى ويسامح=والله يجازي من تعبت اصارحه
جيتك عسى فالي.. وفالك.. صالح=ساكت.. وانا عيني بعينك سارحه
الفكر سارح.. وانت فكرك سارح=والهم بحر وشوف قلبي سابحه
مانيب نازح عنك.. ماني نازح=لو العشاير عنك تبقى نازحه
صارح تكلّم لو تحّب تصارح=كلّ الاذاني ماتناسى البارحه
سمّيت بسم الله عليك البارح=من كلّ همٍ يطرحك واطارحه
دوّك الزلال.. ومدّ لي المالح=وبعون ربي كلّ همٍ سادحه
لا تنتظر حرفٍ يجيبه مادح=ولا تحترق في حرف شاله قادحه
لا نك اكبر وانت اول ناجح=بقلبي اللي كل همٍ سابحه
سمّيت من خوفي عليك البارح=وقريت لك قبل السؤال.. الفاتحه

[فواز المطيري]

من على الهامات من فوق السحاب
ما كتبت الاّ مشاعر في وثيقه

كلها اسباب.. ضيق.. واكتئاب
والقلوب اللي تشوف انها رقيقه

والحقيقه انها مثل السراب
تخذل الواقع..! وتزفر في شهيقه

لو يخونك قلب لأجل الانسحاب
بلـغـّه عني.. ترى ماهي طريقه

روح واقراء فالصحاح.. وفالكتاب
النحل مادسّ يالغالي رحيقه..!

وان نوى الهجران في وسط الضباب
اتركه والله يسهـّل له طريقه

قلبي اللي من عنآء الاحباب غاب
كل يوم يشوف بعيونه حقيقه

شفت بالدنيا عجب.. بعد العُجاب..!
اكبر من الكذب.. واصغر من صديقه..!

البشر مثل النيازك.. والشهاب..!
والطريقه ذي ترى ماهي طريقه

[فواز المطيري]

الطيّب اللي فالقدوع اخاشره=ياقلب كسّر ضلوعي.. وانت ماغزّك ؟
ان زلّ تدمح له يالين العاشره=والمشكله لاحترق جوف القدر رزّك
والكلمه اللي جات ماهي مباشره=اخدمني اليا خدمتك وابشر بعزّك

[فواز المطيري]

الوصايا العشره..

البيت بيتك.. والديآر ديآري..!!=والنآر نآرك.. والوجآر وجآري.. !
اقلط.. وتقلط.. والنوايا بيضا=عارف غلاك.. وعارفٍ مقداري.. /
بين الضلوع.. القلب.. زفّك نبضَه..!!=ومحجر عيوني.. في عيونك.. ساري..!
انتي عليك امن الوصايا العشره 10 =اللي بداها للغـلا.. مشواري..!
ياكلمة العاقل.. قبل ينطقها..!!=ويامدّة اللي.. للمكارم..!! ضاري
وياسالفة من لا يحبّ.. يسولف!!=ويامعضلة قلبي.. !! وسدّ ستآري..
ويالساعه.. اللي شفتها مبروكه..!!=ويالطـآعه.. اللي ماتجي بالطآري..
يالمومنه.. يالطآهره.. يالعفّـه..!!=ياللي خطاها..! تبتديه اعذاري..!
اذا نسيتك..! ماذكرت الاّ انتي..!!=واذا ذكرتك .. مانسيت اخبآري..
كل الخصآيل..! تجمعك.. في خصله..!!=من لا درى.. يدري.. وقلبي.. داري..!
الرمش.. يرمش.. ويحكي.. ويسولف=والعين تضحك.. والخدود اتماري..!!
والبيت بيتك.. والديآر ديآرك..!!=والنآر نآري.. والوجآر وجآري..!!

[فواز المطيري]

بسم الله منزّل.. تبارك..!! والفلق..!! والانشقاق..!!
والعلق..!! والقارعه..!! والفاتحه..!! والبيّنه..!!

واعوذ بك يارب.. من درب المنافق..!! والنفاق..!!
والوذ بك عن كل.. كلمه.. شاينه..!! ومشيّنه..!!

في وقت.. ما مات العراقي.. الاّ من اهل العراق..!!
في وقت.. كل ماطال قلت.. يالله.. ربي.. زيّنه

قلبي اللي همه.. المنساب..!! وضلوعي رواق..!!
كُل ماسجّيت..!! سجّـه.. !! قلت : محدٍ عيّنه..!!

قالوا : انه فالليالي راكزٍ.. للهم..!! ساق..!!
......................................... الحواس الدّينه..!!

[فواز المطيري]

من قريت الفآتحه..!! والعصر..!! والسبع المثاني..!!=ماتثنّت لي عزوم..!! ولا تهقويت الردّيه !!
بس عرفت اني.. مع الاوقات..!! والايام..!! فاني..!!=والعمر وان زلّ..!! ولاّ طآل..!! محسوبٍ عليّه !!
يالله انكّ.. يامقلّب.. بين اصابعك الجنآني..!!=ترحم العبد الضعيف..!! ولا تواخذني بسيّه !!
ويالله انكّ.. لا توثمّني..!! وتحفظ لي لساني..!!=بالذكر..!! ولاّ الهجوس الساحليّه..!! ساحليه..!!
القصور..!! البس ثيابه..!! والخطا..!! جيته وجآني=والقصيد..!! احبّ قربه..!! واكرهه..!! لا شفت غيّه !!
ماقهرته للشيوخ..!! ولا عسفته للغواني..!!=وان بدعته..!! مابدعته..!! للظروف العايدّيه..!!
جملّ الله حال..!! بيت الشعر..!! وجزال المعاني..!!=جابت اللي يطلبه..!! فالحال..!! مكسور الثنيه !!
والله اكبر..!! ياعزيز النفس..!! ياسهيل اليماني=ماتهّمك زلـّة الايام..!! وعيون البنّـيه !!
كلّ ماترقى سنود..!! ادري تكّـب ام الطمـاني..!!=والكبيره..!! في عيونك..!! مايحاليها حلّيه !!
والصغيره لو تزّين..!! ماتقرّب للسمّـاني=بس بانت في عيونك..!! نظرتين..!! ومقدرّيه !!
ماتوصّفها حروف..!! ولا تجملّها معاني=نظرة الحبّ..!! اليتيم..!! العّف..!! والاخرى حميّه !!
والغلا.. والشوق.. والتقدير.. درب المودماني=تعسف القلب العنيد.. وتقطف زهورٍ ندّيه !!
والهوى.. والغيد.. بالتحديد.. ورموش الثواني=في دقيقه.. تقهر الساعه.. ورى نجد العّذيه !!
كنت اقول اهديه ورد..!! وياسمين..!! وقحوياني..!!=ابدوي..!! ومات قلبه في هوى.. عشق.. ابدوّيه..!!
لين فجّ الضلع.. علمٍ.. من ورى الاضلاع جاني..!!=سآقه اللي ماورد حوض المحّبه..!! والمنيّه..!!
والزمن..!! زيزوم زمّل في زواياه الاماني..!!=والصبر..!! صيت القلوب اللي تعدّاها الزرّيه !!
شوفني عقب السنين..!! العوج..!! وين الله رماني..!!=بين قومٍ ماتعزّ..!! ولا تسوق الشاذليه..!!
واتحمّل..!! واتحاشى..!! واتجملّ في زماني..!!=واتصبّر..!! واتمهّـل..!! والليالي سرمدّيه
والكلام اللي نشيله من ورى حدب المحآني..!!=مايردّه كود صبر الادمي..!! والادميه..!!

[فواز المطيري]

العزيزه فالخُـبر..!!

اللي هقيته ذخر..!! ياجعله ذخر..!! =وجعل..!! الهقاوي..!! طيـّبه ..!! كل ماهقيت..!!
قرمٍ..!! ولد قرمٍ..!! وصقرِ ..!! من صقر=من بعد ربي..!! لا زبنته..!! ارتكيت..!!
من لابةٍ..!! تشتاق..!! للموت الحمر..!!=تجمعني العزوه..!! معه..!! كل ما اعتزيت..!!
والعزّ..!! والنوماس..!! ولله الشكر..!!=الطيب..!! له مدهال..!! والمرقآب..!! صيت..!!
ابو الجزاله..!! والجمآله..!! والبدر..!!=كل ما تعنى له..!! دريت..!! اني عنيت..!!
يا اهل الخُـبر..!! لو تنشدون..!! اهل الخُـبر=ماغبت..!! من كيفي..!! ولا بكيفي..!! مشيت..!!
واني قبل مااروح..!! مدّيت العذر..!!= اللي يسرّحني..!! وانا..!! توّ ماسريت..!!
لكنهم..!! ماقدروا..!! ذاك القدر..!!=قآلوا: بأني رحت..!! ويمكـّني..!! نسيت..!!
ذيك الهنوف..!! اللي حلاياها..!! حكر=هي..!! مهرةٍ..!! عسّـافها..!! عاف البنيت..!!
هيّ العزيزه فالخبر..!! مثل العزيزه في مصر=هيّ..!! الهجوس الطيّبه..!! كل ماهديت..!!
ومن لامني..!! يشرب من عيون البحر..!!=ولاّ القهر..!! ولاّ السهر..!! وجروح ليت..!!
رديّ عليّ ان كان..!! لي عندك قدر..!!=قولي طريت..!! فخاطرك..!! لو ماطريت..!!
العمر..!! مرّه..!! واستبحتيني عمر..!!= مابين وصلك..!! والهجر..!! حيٍ ..!! وميت..!!
يا اهل الخُـبر..!! لا تنشدون اهل الخُـبر=العذر..!! سرّحني..!! وانا توّ ماسريت..!!