ســــــــلة اوجــــاعي - الصفحة 2

عبدالرحمن العتيبي · 29-01-2010, 01:15 AM

(11)

كنت اضنه حب يستاهل جروحي
وكنت اضنه حب يستاهل لو افني فيه روحي
مادريت انه بلحظه ينتهي ويروح
ويحطم طمووووووووووووحي

عبدالرحمن العتيبي · 29-01-2010, 01:16 AM

( 12 )

بكره اذا صرتي لحالك بلا اصحاب= يضيق فيك الكون ثم تذكريني
ثم ترجعي واقفل بوجهك الباب = في ذمتي ماعاد تستاهليني

عبدالرحمن العتيبي · 29-01-2010, 01:17 AM

( 13)
في هالزماااااااااااااااااااااااااااااان
ماعاد باقي لابتسامتنا مكان
الا بوسط قلوبنا
لانها صارت بهذا الوقت مثل عيوبنا
اللي نخاف يشوفها حسادنا

عبدالرحمن العتيبي · 29-01-2010, 01:23 AM

( 14)
ماللعيون
العاشقات ................................. الا ........ السهر
وماللجروح
النازفات .................................الا .................الصبر
واثر الصبر
عند الضعيف ماهو صعب
الا صعب وادهى وامر

عبدالرحمن العتيبي · 29-01-2010, 01:26 AM

(15)
لم يعد في يدي ما اخفف به على قلبي
سوى الانصات مع بزوغ فجر كل يوم
الى صوت الفنانه ( عزيزه جلال )
مستنياك ياروحي بشوق كل العشاق
مستنياك تعبت تعبت من الاشواق

وانا هنا اقول لعزيزه جلال
الانتظار اما يكون يصاحبه بعض الامل
والا يكون بلا امل
اللي معه بعض الامل يمكن يكون
تخفيف للقلب الجريح من الطعون
واللي يكون بلا امل
مثل السراب
اللي يمر
ويزيد في قلبي الالم
احر من لسع الجمر
والانتظار في حالتي هذي تراه
ادهى وامر

عبدالرحمن العتيبي · 29-01-2010, 01:31 AM

(16)
علميهم انكي انتي
مانتي اول
اول اللي يكذبون
وانك انتي
مانتي اخر
اخر اللي يغدرون

عبدالرحمن العتيبي · 29-01-2010, 01:32 AM

(17)

صرتي كذا فجأه عليه تغلين = ماعاد لي في قلبك اليوم قيمه
وانا انتظر واقول ياربي تعين = الظاهر اني صرت موضه قديمه

عبدالرحمن العتيبي · 29-01-2010, 01:36 AM

(18)
مافادني معها مشاريه وعتاب /////// راحت وهي متكبره ماتبيني
تصورو راحت بلاذنب واسباب /////// ابغى سبب واحد وش العيب فيني
يعني عشان اني بدوي قلبها تاب /////// من الهوى ماعاد هي تهتويني
ايه بدوي شاعر وللمجد طلاب ////// وان ماكسبت المدح لاقطع يميني
ماعلموك ان البدو اصل الانساب /////// ان كان هذا عيب لاتعشقيني
لو شفتي اللي شفت فعيونها اعجاب /// لي ولقصيدي كان ماتتركيني
غيرك كثير اللي تبينا نجي احباب ///// لو اشر الها بأصغر اصبع تجيني

عبدالرحمن العتيبي · 29-01-2010, 01:38 AM

(19)
شاعر واصارع ضيق وهموم واحزان ////// ارتاح يوم وعام تلوي ذراعي
من كثر همي صرت للحزن عنوان /////// والى محيط الضيق برفع شراعي

عبدالرحمن العتيبي · 29-01-2010, 01:40 AM

(20)

ابيات يتيمه
ا) لو دمعها غرق جميع المناديل ///// لاتنتظر مافيه امل في رجوعي

ب) العام كنتي عندي البرتقاله /// واليوم صرتي في عيوني ولاشي

ج) دامك جرحتي قلب من كان يغليك //////// حتى بخير ان رحت لاتذكريني

لوحة التميّز الشهري (قريباً)

قريبا	قريبا	قريبا	قريبا	قريبا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)