ساحـة البحريـن

[عبدالرحمن الخالدي]

رغم أنف الحقود اللي يحارب ساحـة البحريـن
...........................رغم أنف الحسد والحقد وغـرورٍ سكـن ذاتـه

رغم أنـف الجرايـد والمجلـه والمعـد الشيـن
...........................ورغم أنـف الغشيـم اللـي يجرحنـا بلقاءاتـه

رغم انف الثلاثة شعرنا رمـز القصيـد الزيـن
...........................لأن الشعـر حرفتنـا وحنـا صرنـا سـاداتـه

ترى كـل شاعـرٍ منـا يسـاوي منكـم ألفيـن
..........................وكل بيـت بقصايدنـا يخلـد صـوت نبضاتـه

ثلاثه والطبع واحد... مغفل... واتبعـوه اثنيـن
...........................كـأن إبليـس جمعـهـم وسلمـهـم مهمـاتـه

ثلاثه يكتبون الشعر وشالوا منـه حـرف الـ"ع"
......................وصار الشـ ـــر حرفتهم وسـاروا فـي مساراتـه

ثلاثه... يا ثلاثـي التفاهـه والقصيـد الشيـن
........................ثلاثه... يا صعاليك الشعر يـا سـاس نكساتـه

تكبرتوا على الساحـه وعبتـوا ربعكـم لدنيـن
..........................وخليتـوا "الكسـل" طبـعٍ تلازمنـا عبـاراتـه

ترى أولكم بدا يكتب قصيده بـس مـن يوميـن
......................وصار الشاعر "الطلقه" سبـب خبثـه وعلاقاتـه

وثانيكم بعد غض النظـر تقـدر تقـول زويـن
................................لأنــه دايــمٍ يبـكـي ويتصـنـع معانـاتـه

وثالثكم طلع شاعر... لأنـه بـس كتـب بيتيـن
...................يخلف الله على الشاعر... يخلف الله على ابياته

تذللتوا وجاملتوا... خضعتوا... بستو الرجليـن
......................عشان اشعاركم تنشـر وسـط صفحـة مجلاتـه

تكشختوا... تصورتوا... نشرتوا... طيب وبعدين
.....................أنا ما اشوف أحـد منكـم غـدا نجـم بتفاهاتـه

رسالة شعر أوجهها... وانا شاعر من البحريـن
..................لكل حاقد... وكل جاهـل... يجرحنـا بلقاءاتـه

ترى كـل شاعـر منـا يسـاوي منكـم ألفيـن
......................وكل بيـت بقصايدنـا يخلـد صـوت نبضاتـه

[عبدالله العويمر]

كل الخليج نبضه واحد

كل الخليج تشرب الشعر


والبحرين يوجد بها من الشعراء من يستحق أن يُحتفى



ومن لايرى في مكان ٍ ما الشعر ، فهو خال ٍ من الموضوعية والصدق







عبدالرحمن



لك ولأهل البحرين كل الحب

[جمال العتيبي]

عبدالرحمن الخالدي
:
صح لسانك والبحرين تفخر بك
:
تقديري وتحياتي

[فهد الدباسي]

عبدالرحمن الخالدي


مرحباً بك بعد الغياب


اشتقنا لـ حروفك و حضورك


سـ أقرأ هذا النص كثيراً قبل أن أعود


فـ انتظرني

[مزون المحمد]

.
.


حضور أول


ولي عوده


.
.

[فيصل العمري]

صح السانك

مليوووووووون ولايكفووووووون

جزله من راس جزل لاهنت

[ظافر الأحمري]

سلمت وسلم نبضك على هالنص الراقي

سجل اعجابي ومتابعتي ولك تحياتي

[محمد الفرحان]

.

.

المبدع

عبدالرحمن الخالدي

.

.

تضل البحرين عاليه وكبيره رغم انوف الصغار

.

.

حتما" سيكون لي عوده ان شاء الله

.
.

دمت كماتحب

.

.

[أحمد الجعيد]

.
.

الأنيق /
عبدالرحمن الخالدي..

حرفك..مبهج
وانت..راقي

صح قلبك / كلك

.
.

ولك احتراامي...//

[همسة غلا]

قصيده هادفه جدا

تنطبق على الكثير


تحية تقدير للشعر والشاعر