سامحيني ياجروحي

[حمد الأسمري]

قصيدة أطرحها لأول مرة بالمنتدى

من تفاصيل الإجابة لي هروب الأسئلـة=من محاصر كل جرح ٍ احتمى فيني يصيح
جيت نادم يا جذوري جيت بعد المسألـة=جيت متأخر عليك ِ بعد ما مات الجريـح
اعذريني الخطـاوي هرولـت متثاقلـة=والشواطي جف ماها والسفينة تستريـح
وأنا في غربة حضوري التحفت البهذلـه=يوم وجهي في غيابي تلفحه مليون ريح
السواني من سنيني تغرف اللي تغرفـه=والليالي من كدرها فيني قامت تستبيـح
ما تراعي حرمة اللي في سكوته ولولـه=ولا تقدّر كسرة اللي من بعد عزّه يطيـح
يشهد الله كم رجيته كم بكيـت أتوسلـه=يشهد الله ما تركني لين أرداني طريـح
سامحيني يا جروحي ما نويـت البلبلـه=أطلب الغفران منّك لجل أهنى وأستريـح

سلمت قلوبكم جميعا ً