تهادى شوقه لقلبي ......

[مشاعل ابراهيم]

اتمنى ان تنال على استحسانكم ورضاكم ......

تهادى شوقه لقلبي وحرّ الوجد في لقياه=يعانق شوقي احساسه واحس النبض بانفاسي
شهق قلبي معَ حْضوره..وتسترسل حروفي آآآه=أبسأل بس وش قصة شعوري ولهفة احساسي
يداعبني بهمساته..يذوّب خافقي بدفاه=يسيل الما وتورق بي غصون ٍ حيل يبّاسي
يعذبني بنظراته وانا الشفقه على لاماه=ويتغلغل رسول الحب يسرق كل هوجاسي
وأصيح بلهفة المشفق ياويلي آه يا لباه=وعشاق السهر سمعوا حنيني له فالاعماسي
وتزهر دنيتي لهفة مدام ان دنيتي دنياه=ويتل بحبه احبال الغرام ونبض قرطاسي
انا اللي ضامية حب ٍ ابد ماله طعم لولاه=ابغرق في بحر حبه ومن راسي إلى ساسي
ابي يطعم غلاه اللي سكن بادنى الحشا واقصاه=ابي أسقيه من روحي لجل يدمن هوى كاسي
ابي يشرب جميع الشوق مني بالهنا وابغاه=يجيني ويروي عروقه غلا ماله ولا قياسي
اشوفه في تقاسيم المحبة والوله يكساه=وقدره والله اني شايله قدره على راسي
ويسري عقرب الساعه وروحي تزهم وتنخاه=سنيني لك وتبخل في ثواني ليه يا قاسي؟!
يراضيني وتتغنج حروفي في بحر معناه=حقيقة ماعرفت اشرح شعوري ولهفة احساسي؟

[سعد الغنامي]

مشاعل ابراهيم


صح لسانك مدد

قصيده راااااااااااائعه للغايه

ماشاء الله عليك

اتحفتينا حيل والله

لله درك

ولاتحرمينا من هالأبداع

تحيه عطره لك

[مزون المحمد]

مشاعل إبراهيم


صح الله لسانك .. قصيدة رائعة


وعسى المانع خير يارب


لاهنتي

[سليمان العقيل]

صح لسانك وتسلم يمناك

حضور متألق ورائع


تحياتي لك ولقلمك المبدع

[( حايره )]

مشاعل


أعتدنا منكِ الجمال في الحرف

والإحساس في الطرح


ألف ألف صح لسانك

ولا هنتي

[قديم الشوق]

الغالية / مشاعل ابراهيم ..

مبدعة بكل ماتحمله هذه الكلمة من معنى

ولي عودة تليق بهذه الشامخة

فانتظريني ..

[أكرم التلاوي]

أختي الكريمه مشاعل ابراهيم

مشاعر واحاسيس عميقه قد صغتيها لنا هنا بقالب شعري مميز

صح لسانك ولا هنت ِ

قصيده جميله بكل ما فيها

لا عدمنا ابداعاتك

ننتظر منك ِ الجديد والمميز

دمت ِ بكل الخير وتقبلي تحياتي

[الـ ع ـطر]

مشاعل ابراهيم

قصيده كل بيت فيها يتدفق روعه ورقه
صح لسانك ودام نبضك

إستمتعتُ بقراءتها

[حمد فرحان]

الأخت مشاعل إبراهيم



صح الله لسانك على هذه الرائعه


قصيده رائعه وجميله وإحساس مرهف



تسلم يمينك ولاهنتي


فائق تحياتي

[فهد الدباسي]

مشاعل إبراهيم


حضورٌ جميل

و نصٌ متميز


صح لسانك أختي

تقبلي تحياتي