سفيــــنة نـــوح

[محمد الفرحان]

فمان الله ياحبن مضى كله الم وجروح=فمان الله ياخلن سكن في قلبي وعيني
ابركب قبل لاغرك في بحر حبك سفينةنوح=عساي اسلم بروحي بعد مازدت الوجع فيني
اببعد عنك ياللي كنت ساكن قلبي المجروح=ابرحل عنك لديارن غلاها في شراييني
ابي ذيك الديار اللي غلاها في سماي يلوح=عساي القى بها بعض الحنان اللي يسليني
مادام ان الهوى كذبه وحبك تاليته مزوح=ابدور على غيرك حبيبن عنك يغنيني
بعد خليتني عايش جسد لكن بليا روح=وانا اللي كنت احسب انك من جروحي تداويني
غلطت وقلت لك عادي هجرت وقلت لك مسموح=قسيت وقلت يمكن لانظر عبراتي يليني
تهون المشكله لو هي غلط واقول لك مدموح=لكن المشكله جرحن حصل بين المحبيني
بعد ذاك الفراق اللي حصل ياقلبي المذبوح=انا الغلطان ياقلبي ترى جرحك من ايديني
انا ماكنت اثق فالحب لكني عجزت ابوح=امانه لاتحاسبني ترى مافيني يكفيني
مادام الحب صار اليوم لعب وتسليه ومزوح=مادام اللي شريته باعني ماعاد يغليني
ابرحل للديار اللي تداوي علة المجروح=عساي القى بها حبن من احزاني ينسيني

.

.

شاعرنا

عبدالرحمن المورقي

.

.

صح لسانك مدد بلاعدد

وسلمت وسلم نبضك واحساسك

على ماأتحفتنا به من رائع الحروف

وبديع القوافي . .

.

.

سجل متابعتي الدائمه . . .

.

.

تقبل فائق تقديري واحترامي