الإكتتاب في السعودية وحالة المواطن

[خالد بن علي]

حاولت في هذه القصيدة

أن أكتب المعاناة التي تعيشها

فئه كبيرة من مجتمعنا عند قرب بداية أي إكتتاب

أرجوا ان أكون قد وفّقت في ذلك

كل ما قالوا بيبدأ إكتتاب=قامت الدنيا وجلست مـ الفجر
كل واحد بس يهوجس باضطراب=هو رصيده كافي (ن) ولا صفر
أو يدور عن سلف عند الصحاب=أو يوقف لين آخر هــ الشهر
ينزل الراتب على باقي الحساب=تنتهي أزمة ونبدأ في أمر
هي حلال وما بها أيّت شواب=أو حرام وشبهت (ن) فيها ضرر
كم بيتخص خص من الأسهم وحاب=كم بتنزل في التداول والسعر
والخليقة بين رغبة وارتياب=والحقيقة غايبه يا لله الستر
ذا يحلّل يدعي عندي الصواب=ذا يحرّم ما يبي غير الأجر
والنتيجة واضحة مثل الكتاب=ما عرفنا وش نسوي يا بشر
لا نهار الشمس أشرق في السحاب=أو طوانا الليل ونحل السحر
ذي حكاية مكتتب يبغي الجواب=نبتعد ولا نواصل نستمر
كل ما قالوا بيبدأ إكتتاب =قامت الدنيا وجلست مـ الفجر