قصيده في حفل زواج الشيخ شاهر بن جزى الصعيري المطيري

[محمد الفرحان]

ألاولى بسم الله الرحمن والدنيا زوال=والثانيه صلوا على محمد شفيع المسلمين
والثالثه عن ربعي الصعران بهرة الدلال=اهل الفخر واهل الكرم واهل الشرف دنيا ودين
والرابعه عن راعي الحفله نجيبك يالجزال=والفكر ناردبه على جم الجزيله والثمين
يامرحبا ترحيبة ٍ تنصا الرجل من الرجال=من لابة ٍ تكره يسار الدرب وتحب اليمين
أعداد ماذعذع هبوب الخير من نو الشمال=وأعداد حجاج الولي وأعداد مايسجد جبين
ترحيبة ٍ فنجالها يطرب كريمين السبال=من دلة ٍ لاذاقها الضرمان نوخ ليليتين
في حفلة اللي هيبته مابين عم وبين خال=لاوالله ألا بين ناس بالفخر متوارثين
ابن جزى شاهر تعلى بالكرم في كل حال=واكبر دليل انه تعلى اسمعوا يالحاضرين
هذا لفانا من جنوب وذاك جانا من شمال=وذاك من شرقه يبين وذاك من غربه يبين
كله لاجل من ذاع صيته والكرامه راس مال=والبيت من طيبه يجونه هالنشاما طارشين
حييت يامجد ٍ غدالك هالرجل مضرب مثال=حييت ياعز ٍ يسولف عن فعول الغايبين
لايازمن وان صرت بحر اعرف ترى حنا جبال=عن ميلة عفون الشوارب ثابتين وشامخين
يعني كذا بالحالتين العز فينا لايزال=كنا ولازلنا نحوز المجد والله المعين
الله يبارك لرجل ابن الرجل نسل الرجال=ابن جزى نسل القروم اهل الفخر دنيا ودين
والاولى بسم الله الرحمن والدنيا زوال=وختامها صلوا على محمد شفيع المسلمين

.

.

شاعرنا

عيد السعدوني

.

.

حياك الله بمنتداك الذي يتشرف بتواجدك

ومكانك القلب باعيد

وصح لسانك وعلا شانك وبارك الله للعريسين

وبارك عليهما وجمع بينهما في خير . .

.

.

دمت بهذا الحضور وهذه الشاعريه.

.

.

تقبل فائق التقدير والاحترام