..!!! قيد انمـله !!!...

[فواز المطيري]

..

.. ( ختم ) . و . ( شهـاده ) ..

يكبر فعيني شي ماهو ولا شي=ويصغر زماني في عيون العباده
ويكبر غلاها ( هي ) ماغيرها ( هي ) =ويزيد في قلبي غلاها زياده
ريم الفلا والزاد والقوت والمي=يابهجة الدنيا على غير عاده
اقسم قسم بالله والدايم الحي=حبيّتها حبّ العرب للسياده
استغفر الله لا كذاب ( انا ) شوي= حبي لها فوق الفرح والسعاده
كنت الكريم اللي مثل حاتم الطّي=وكانت زهاب الطيب ولاّ عتاده
اأأأألله يوم ايدينها تلمس ايدي=ومنديلها اللي فيه ( ختم ) و ( شهاده )
ونظارتي والدرع واشيا بعد لي=والله على الحظّ الردي والقراده
من بعدها ميّت ولاني بـ ( انا ) حي=اذكرّ عيوني.. عيون الاباده
مدري وش اللي لي.. واللي ماهو لي=بس الاكيد اني نسيت السعاده

فواز