خوي ياسيفـي ليـا طالـت أرقـاب
أقص بك عظم العـدو سلـم وحـروب
إحضر ونذرٍ ما آحسب لآحـدٍ حسـاب
وان قيل عنك صغير لاغبت .. ماتنوب؟
بقول هو صغير لكـن (عـن أشنـاب)
ياخوك وأسمع هرج منطوق/ مكتـوب
بحكي عن اللي عارضه لجلنـا شـاب
لو الحكي مايوصف إشعـوري بنـوب
عن شايـبٍ يفدونـه أبعـاد وأقـراب
غير الشماغ ملبسّـك ياعمـر ثـوب
أبـوي لـو نقـرآ فتـح كفّـه كتـاب
أبوي يوم البيت من طوب مـن طـوب
أنشهد إنّا منـه طوبـه وهـو طـآب
أنشهد إنـه سهْـل بـليالنـا العـوب
يا كثر ما أخطينا وهـو لجلنـا صـاب
نشرب من الطاسه وهو يشرب الكـوب
وقـف لجـل نقعـد ولاهمّـه اتعـاب
يشرق لنا لامالت الشمـس لـغـروب
يالله عسانـي بينـه وبيـن الأسبـاب
أرغب عشانه شئ ماهـو بمرغـوب
أطيييييـح لوقوفـه ولانـي بمنصـاب
كل شئ يرضي خاطره مابـه عيـوب
يبه بجنبـك كنّـي جيـوش وأحـزاب
في ضحكتك يابوي كـل مذنـب يتـوب
يااااااااليتني في ضحكتك يا يبـه نـاب
وياليـت أوردتـي بمشآويـرك دروب
لالا إن مشيت أقـول ياليتنـي تـراب
تمشي على كفي ولاهـو بعـذروووب
يبـه !! أنـا كـذّاب كـذّاب كــذّاب
إن قلت بوفي وصفك بحـرف مكتـوب
يبه تعبـت أكتـب قصيـدي ولاجـاب
لوهو جزاء تلبيستي شمـاغ أو ثـوب
لكن ختـام القـول لـو مانـي تـراب
بس إن بغيت أفرش لك كفوووفي دروب
شاعر جميل
بدر
اتابعك بفرح
دمت بود
أنت غير مسجل في منتديات منابع الأدبية . للتسجيل الرجاء إضغط هنـا
28-06-2006, 09:14 PM
عبدالله العويمر 
العرض الشجري