(((( قصه في خرافــــه ))))

[محمد الفرحان]

اعتبرني سالفه ماتنتهي طول المسافه = واعتبرني حكي في صمت المواجع والدموع
هاك علمٍ من دلالي سكبها فن ولطافه =اشرب افراحي فديتك دام قلبي بك قنوع
اسمعي قصة عذاب الوقت في عشق الصلافه = الثرى تحت الثريا والشْفه ماتحب كوع
اسمعي ونة خفوق القلب يشكي من كفافه = في سجونك والسلا سل صار مكتوف وخضوع
الحزن في قلبي المذبوح يترنم ولافه = مثل ذاك القدر والماء 0 حوله اطفال جيوع
احترق قلبي ربيع ومات وردي في جفافه = سطوة ايامك نصايب في المفاصل والضلوع
هول نارك شب حولي قوم ولعني لفافه = وانشد الاحساس كم ليله يولع في الشموع
ايه عذبه في عذابٍ تطرق الاوهام قافه = اتجاهك لي معاكس فيه فرق وبه فروع
والله انك ياجنون العقل قصه في خرافه = بين شمس وبين قمرا وجهك ازهى بالسطوع
منك ياليل التجافي حسرة تبكي حسافه = كيف قدامي تراقص وانت لك قلبٍ قطوع
استدار على فؤادي واشعل النار بضفافه = والاماني موج تدفع باخره يم الرجوع
علمْه حبك يقول الصدق ويكون اعترافه = اعشقك واهواك واعلنها هنا بين الجموع

.

.

المبدع

محمد المتحمي

وحضور طال انتظاره

.

.

اهلا وسهلا بك في منتداك وكل عام

وانت بخير وصحه وسلامه ومن العايدين

ومن الفايزين ان شاء الله . .

وسيكون لي عوده الى هذه :

القصيده / الخرافه / القصه

.

.

دمت كماتحب

.

.