عاااااااااااااااااااااااجل للأهمية

[ذكريات]

جمعت لك من عذب الابيات ما طـاب

و الشعر ما هو شعر لو ما انكتب فيك

مشاعر الفرحـة لهـا خافقـي ذاب

وشلون ابين لك شعـوري و اهنيـك

فرحة نجاحك عانقـت كـل الاحبـاب

و حلت تباشيـر السعـادة باراضيـك

توفيـق ربـك ثـم بذلـك للاسبـاب

خلى الشهادة تفخـر بلمسـة ايديـك

و مثلك ليا منه رمـى للهدف صـاب

بالصبـر ليـن الله يحقـق أمانيـك

اللي سهر ليله مـع اقـلام واكتـاب

يستاهل احساس الفـرح و التباريـك

ما ضاع مجهود الليالـي و لا خـاب

اليوم تتويجك ثمـر جهـد ماضيـك

عزيمتك للصعب ما تحسب احسـاب

ما دون تحقيق الهـدف شـي يثنيـك

صحيح قاف الصدر و العجز ما شاب

لكن عجـزت القـا معانـي توفيـك

تمت و انا بنفسي على شعري اعتاب

احس كل الـي انكتـب مـا يكفيـك

اطلب كريم ن هو رجـا كـل طـلاب

في كل خطوة مـا يخيـب مساعيـك