ظاهر الظفيري.. روح واترك واحد ن تمشي معاه.. بدمه

[ظاهر الظفيري]

لاتذكرني خطاك العام.. وانت تذمه = مايحدك للجفا صبري.. وقل الحيله
صاحبك.. ياصاحبي بلت دموعه كمه = قبل يلقى في عيونك نظرة ن تشكيله
وش كسب من مدتك قبل الفراق لهمه؟ = غير عودته عليك.. ورحت ما تاويله
فاقد احضان الحنان.. وكل ليل تضمه = حس في فقدانه احضانك من اول ليله
مثل ماحس اليتيم.. الي فقد حضن امه = ويتتبع كل زول يمره.. ويبكيله
صاحبي لو كنت ماتدري عن الي همه = كل ماراح ونسى وجهه.. لقاه يجيله
ماعرف من صدتك عذرك.. ولا انت بيمه = لاتقول انك مصافيله ولا تصفيله
مايعرف الا انك بعينه براس القمه = ما لغيرك شي بعيونه ولا تفضيله
لو تمد السم من كاسك.. شرب من سمه = مايحسب انك تبيعه باول التهليله
روح واترك واحد ن تمشي معاه بدمه = لا يذكرك الحزن شعره.. ولا منديله

[قديم الشوق]

الشاعر العذب / ظاهر الظفيري

أقسم بالله أنك أطربتني

ماهذا الجمال يارجل

منذ مدة لم أستمتع بقصيدة كهذه

صح لسانك شاعرنا المبدع

ودام هذا الجمال والتوهج

ولا تحرمنا من عذوبة شاعريتك وتواصلك

وتقبل فائق تقديري واحترامي

[حمد الدريهم]

المشاركة الأصلية كتبت بواسطة ظاهر الظفيري

فاقد احضان الحنان.. وكل ليل تضمه = حس في فقدانه احضانك من اول ليله
مثل ماحس اليتيم.. الي فقد حضن امه = ويتتبع كل زول يمره.. ويبكيله

جميل أخوي ظاهر لك تحياتي ونتطلع دوما لإبداعاتك

[الكايد]

اخوي ظاهر الظفيري..

صح لسانك قصيده اجمل
من رائعه تقبل مروري

[العف الخجول]

حقيقة انت رائع جدا

بل تملك الابداع والتميز
فلك مني كل الشكر
فان لم يكن ردي يليق
فغدا ان شاء الله اشراقة جديدة

تحياتي لك اخي

[اوركيدا]

تسلم الايادي

اللهيعطيكم الف عافيه...
وفي انتظاااار جديدكم...

[جيداء الوادي]

الله يعطيكم الف عافيه...
وفي انتظاااار جديدكم