=== زعيم المكرمات ===

[عبدالله بن راجس]

== زعيم المكرمات ==

على الذكرى المجيده يابلد ماتشبه اي ابلاد = بها البيت العتيق وقدوة الاسلام وشعوبه
خلق فينا غلاها من غلا الأجداد للاحفاد = وطنا مالبسناله بشوت الحب مقلوبه
وهبه الله من أفضاله من الحكام والأمجاد = وكفاها شر نكبات الزمان ومعظم خطوبه
وخص إخوان نوره في حماها سادة الاسياد = هل العوجاء ليامن سيقة الارواح مجلوبه
على مر العقود إللي تتالة والرخاء يزداد = إلى عهد الزعيم إلي وفاه الشعب غنوبه
كفاه الله من مكر الزمان وزمرت الحساد = زعيمِ مايوقف وقفتِ ماهيب محسوبه
بوقفاته يذكرنا مواقف طارق بن زياد = مع الفارق على وجه الزمان وفارق أدروبه
عطاه الله من القوه بفضله للطموح إبعاد = سماء جوده من إسمه في عيون الخلق وأثنوبه
أمين العدل مؤمن لاوعد مايخلف الميعاد = خلق ربي يمينه مزنةِ بالخير مصحوبه
زعيم المكرمات إللي لنا ماتنحصاء ببعاد = فلو شح الزمن لامدنا اللي داخل جيوبه
يدينه للمواطن كنها النهرين في بغداد = ولابه من خصاله خصلةِ ماهيب محبوبه
زعيم السلم وأعدا السلم يقهرهم بكل إعتاد = ينازل من نزل للحرب والاجال مكتوبه
يابو متعب ترى في كل قلبِ لك وطن وشداد = من أبنا شعبك المخلص ولا في يوم منوبه
إلك منا عهد لاقام يقدح للزناد زناد = إلياجة حزة الوقفه ونار الحرب مشبوبه
ولك منا ولابيعه ونعلنها على الاشهاد = ولك منا الوفاء والله له الطاعات والتوبه
لعل العافيه لك من جليل الملك شرب وزاد = ولعل الله يعطي من دعالك خير مطلوبه
وعسى عمرك طويل وبلغك ربي لكل مراد = عدد ماحجو الحجاج بيت الله وطافوبه
جزاك الله عنا خير مايفعل لخير عباد = توليت وعدلت نصافك لشعبك ورضيوبه
توقف للمصايب دون كل الشعب بالمرصاد = متى ماحن رعاده وقامة تبرق نصوبه
حكيم الراي مقدامِ يقود المجد ماينقاد = إتعود من دهاه إعداه مهزومه ومرعوبه
تعطر بسمك التاريخ بالهجري وبالميلاد = لقى فيك الصفات إللي عليها تعب مندوبه
رعاك الله زعيمِ بالرياده تتعب الرواد = لياجتنا طواغيت الدول بتروح مسلوبه
حفظك الله لشعبك عز وأيامك فرح واعياد = ياحيت إنك الزعيم اللي بشير الخير من صوبه
كرم يمناك مايجحد مكارمها سواء الجحاد = عساه يموت من حقران نفسه مادريتوبه

[قديم الشوق]

ارحب يا ابو راجس

ياهلا بك ياشاعرنا

وصح لسانك على هالقصيدة الشامخة من شاعر كبير وغني عن التعريف

وله في كل مناسبة وطنية بصمة رائعة

ويستاهل الغالي ابو متعب

ويستاهل وطن الشموخ المملكة العربية السعودية الله يحفظها من كل شر

وعز الله إنك كفيت ووفيت وتحدثت بشعور كل سعودي

الله يبيض وجهك ولا يهينك

وفي انتظار المزيد من هذا الجمال

وتقبل فائق تقديري واحترامي