عوده بعد المغيبه \\ (( لوثة العطر ))

[نايف الروقي]

بسم الله الرحمن الرحيم

عوده بها ولها

ارجوا ان تكون عذرا لكم ولها ولي

لم ولن تكتمل هذه مهما يكن

(( بقيــــتها لأس\بــــقيتها ))

(( لوثة العطــــــر))

::
:
"


مـن اجـا وسلمـى عـبـق نـفـح الشـمـال
منبعـه مـن شـرق حتـى تعـطـر نجـدهـا

واعترتنـي لوثـة العطـر حتـى العقـل سـال
والمشاعـر غيـم تسقـي الـورق مـن مدّهـا

ياخيـال الواقـع اللـي بـه الـواقـع خـيـال
مثلمـا جبـت الاحاسـيـس نـحـوه ودهــا

للسـراب اللـي مـن البعـد مشـروبـه زلال
يشهـد الله كــم رشـفـت الــزلال بيـدهـا

يشهـد الله عطرهـا فـي عـروقـي لايــزال
اختلـط ريــان شـعـري وفـوحـة نـدهـا

ان بغيـت اقولهـا الصمـت توجـنـي مـقـال
وان بغيـت الصمـت ضـوت فتايـل ودهــا

أيـه انـا انسـان (نسيـان) لا هـذا مـحـال
لابغيـت انـسـى فبـالـي عـلـي يـردهـا

ياحـلال الحـرم والحـل تحـريـم الـحـلال
مـن وهبـك الـروح يحـرم يجـي يرتـدهـا

ياقريـب البعـد بالقـرب ياصـعـب المـنـال
ياسـؤالـن يـبـنـي اجـابـتـه ويـهـدهـا

لـو بعـادك مـوت عيشـي حياتـي بالوصـال
ياحياتـي هــي حيـاتـي وشــدي يـدهـا

لايجـي حبـل الوصـل رث شدينـي جــلال
لارخيتـي شعـرة معاويتنـا عـلـيّ اشـدهـا

الغرابـه طبـع فينـي علـى أيــات حــال
أيـه انـا عـم الغـرابـه وابـوهـا وجـدهـا

من (تعـوق) لا (توقـع ) يجـي منـه اتصـال
امـا انـا نفسـي بالاسـراف يغـدق وجـدهـا

ايـه ياغيمـة همـا وبلهـا بعـرقـي وســال
مــن تهاتفـهـا ضـلـوع الـفـؤاد تقـدهـا

ياشبيـه الشـمـس والشـمـس والله ماتـطـال
تاخـذ الاوصـاف منـك اصــل ياسعـدهـا

الشفـق محمـر بخـدودك يـصـب الــدلال
مــن نعومـتـك النعـومـه تبـيـح سـدهـا

النهـار اللـي تبختـر كسـاه عصيـر شــال
نجمتيـن وحبـة الـخـال ضــوت خـدهـا

والظـلام اللـي تسربـل كسـا ثلـج الجـبـال
الشعـور (شعـور) بأحسـاس دفـئـه كـدهـا

والهـلال اثنيـن قـلـت آه يـاحـظ الـهـلال
الصغـيّـر كــل نجـمـة سـمـا يحتـدهـا

كنه اللي في الوغـى سلاحـه رهـاف السـلال
فيـهـا منـهـا سـلـة سلالـهـا وبحـدهـا

وخاتـم سليمـان اخيـرا وجدنـا لــه مــآل
في ثمانـن لعـس عـذاب لونـه أبـى لايلدهـا

دام (للالغـاز) حــلال قــل دم (الـغـزال )
لونـه الصـارخ عـزل مدهـا عـن جزرهـا

يامؤشـر غيهـب الحسـن جافيـك اخـتـلال
(التمرجـح) . (مـت جـرح) التميّـس قـدهـا

مثل ميـل الحـظ فـي غيبتـي وقـت الـزوال
الثوانـي (مشنقه)علقتـنـي مغـيـر اعـدهـا

اختزلـهـا اكـسـده واكسدتـنـي اخـتــزال
(التسرب ) و (الترسب) في المشاعر غلانا ضدها

والثقـه لـولا الثقـه خالـف الـفـال العـقـال
بـس جتنـي كلهـا ورحـت كـلـي عنـدهـا

والحقيقـه كـنـز غـالـي ولافيـهـا جــدال
بـلـغ الـلـي ودا أبـهـا ولاهــو قـدّهــا

والله اني ما اختلـف لـو علـي الوقـت طـال
(منجلي ) صبري ولا بـد مـا اقطـف وردهـا

والمحبـه (بيـر) وظروفنـا مـثـل المـحـال
الصدور ان كان حنـت علاهـا تغنـت وردهـا

من ربوع الليل لاسبت الفجر وانا ارقـب بـلال
واذن الـمـذّن وصـلـى وختمـنـا بـنـدهـا

أولا : يحـرم جمـالـن يضاهيـهـا جـمـال
قـد كساهـا مـن علاهـا لأخمـص زنـدهـا

ثانيا : لـو قلـت ماقلـت فـي بنـت الرجـال
مثل ماء الوجـه فـي الوجـه لأقصـى عدّهـا

ثالثـا : مـا دام اجـا عطـرت جـو الشمـال
الجهـات الـلـي بـقـت عطرتـنـي ودهــا



"
"
:

اعتذر للاطاله

لن تكتمل لمنافاتها الاكتمال

((لايزال للاستهلاك \استهلال ))

اتمنى ان تكون عوده تليق بكم .....