يابخت قلب ن من غرامه خالي - مصافحة صيفيه

[ثامـــر آل محمـــد]

مصافحه صيفية متواضعه .. بعد غياب دام عام

اتمنى ان ترتقي لذائقتكم

وكل عام وانتم بالف خير

يابخت قلب ن من غرامه خالي=ولادرى بالحب والحنيه
ولا شرب من كاسة الغربالي=ولا إنحرق بالشوق فالصيفيه
وجدي على من هو معذب حالي=وجد اليتيم ولبسته عاريه
اللي خفوقي له غدى منزالي=في كل حين بليل وبصبحيه
سافر واخذ قلبي معاه موالي=وخلى الجسد واركى عليه الكيه
في تركيا ويا خواله سالي=ولادرى عني ولا وش فيه
والله لو يدري بما في بالي=انه ليرجع بكره العصريه
لايحسب ان العشق لعب عيالي=ولا سواة الحاجه العاديه
العشق يابن الناس هد جبالي=مافيه لارحمه ولا ماويه
وان كان بين الناس قدرك عالي=يرميك من عاليك للسفليه
مثل العسل لامن بديته حالي=حتى تغوص الغبه البحريه
من بعدها لامن فقدت الغالي=يجتاح قلبك قنبله ذريه
ماينفعك جرتك للموالي=إليا عسفت هجوسك الشعريه
ولاينفعك ميقاف عم وخالي=ولاتنفعك جمعية ن خيريه
ولاينفعك بنك البلاد المالي=ولاعيادات الطب النفسيه
ماينفعك غير الرحيم الوالي=إليا دعيته من صفاوة نيه
يالله تصبرني وتجبر حالي=حتى يجي من غيبة الصيفيه

ثامر بن سعيد آل محمد

[صمت الرحيل]

أخوي ثامر مرحبا بك بعد طول غياب
ويقولون من طول الغيبات جاب الغنايم

صح لسانك شاعرنا القدير ودام هتان حروفك
ابدعت وامتعت
قصيده رائعه كروعة حضورك

دمت بود وسلام

[منبع الشوق]

وين القصيده...............؟؟؟؟غير ظاهره امامي

[صـدى الذكرى]

صح السانك ......ودمت لمنابع

ثامر ال محمد

[عناوين الدمـوع]

قصيده جميله وابتسمت يوم قريت البيتين 15,14 وحال المحب مزري وصعب علاجه

ننتظر جديدك شاعرنا ثامر.

[العف الخجول]

بارك الله فيك وفي قلمك
بإناظار الجديد القادم
تحياتي

[قديم الشوق]

شاعرنا / ثامر آل محمد

مساك الله بالخير

وعيدك مبارك

ومن العائدين والفائزين إن شاء الله

وكل عام وأنت بألف خير

وصح لسانك على هذه القصيدة الجزلة من شاعر قدير ومتمكن

وفي انتظار المزيد من هذا الجمال

وتقبل فائق تقديري واحترامي

[ثامـــر آل محمـــد]

صمت الرحيل
صح بدنك اختي الكريمه وتستاهلون كل علم غانم
والغيث والهتان هو وجودك وكلماتك الراقيه

منبع الشوق
هلابك اختي الكريمه والقصيده موجوده يالغاليه
واذا مو ظاهره معاكي اعملي اقتباس وبتلاقينها بالمشاركه
الاشكاليه اي بالتنسيق اللي مايوضح معاك
بسبب نوع المتصفح او الاتصال

صدى الذكرى
صح بدنك اختي الكريمه
ودمتي مبدعه ومنبع راقي وعذب لمنابع

عناوين الدموع
والاجمل من القصيده اطلالتك عليها ومشاركتك اختي الكريمه

العف الخجول
الله يبارك بعمرك يارب وتستاهلين الطيب

قديم الشوق
استاذي الراقي الشاعر / قديم الشوق
كل عام وانته بصحه وسلامه يارب
صح بدنك يالغالي والروعه والرقي بتواجدك وطلتك طال عمرك
وتستاهل الطيب يالغالي
ويشرفنا نتواصل مع هذا الصرح الراقي
احترامي للجميع