حياكن.. افطروا معي

[سمو الذكريات]

السلام عليكم ورحمة الله وبركاته
ياهلا وسهلا
الله يسمع منك ومايحرمنا دعواتك الطيبه يارب
وغاليه والطلب رخيص
ولو انه مفطح ماوفا بحقك
وبالنسبه عاد للمعصوب
من ناحية عائلتنا الكريمه ماتهتم له كثير
ومره اكلته وتندمت والاذواق تختلف اكيد
بس لجل قلبك الطيب ولجل انك دايم تفطرينا ومغرقتنا بكرمك ابعزمك عليه

المقادير
عشره حبات موز
عشره خبز حب يعني خبز (بر)
فنجان قهوه عسل
فنجان قهوه سمن بري او اي سمن
علبه قشطه
زيت زيتون حسب الرغبه
للزينه علبه جبنه كرافت مطبوخه
الطريقه
نضع الخبز في ماكينه العجن حتي يتقطع او ممكن تقطعي بيدك صغير مره او ابشري بمفرمه البصل أو فرامة اللحم وهذا أفضل ومن ثم اهرسي الموز
ثم اضيفي باقي المقادير واخلطيها جيدا
للتزين :
ابشري جبنه كرافت فوق المعصوب وضيفي قليل من العسل فوق الجبنه.
وهذي الطريقه مثل طريقة المحلات
...>>>>ولاتعلمين احد علينا لان الدعوا كلها سراقه بسراقه الله يكفينا وياك شرها

وهذي أبيات قيلت في المعصوب

قال الشاعر ابن المجفا :

ألا ليت الكبان يعود يوما = فأخبره بما فعل الشفوت

وللمعصوب ويلي من هواها =معذبتي إلى أين السكوت؟
...
وقال الشاعر امرؤ الدخن بن ذمال

لها قمح ودهنٌ وكعدة = وتنضح شهداً لعمري ما الخطب

طريد بلا معصوب يقضي نهاره= ولا شغل يرضي وفوقهما الكرب



وان شاء الله يارب قدمنا اللي يرضيك
واعذرينا على قل الكلافه
واي شي تبينه على رسم الخدمه دائما
وهني وعافيه يارب