حياكن.. افطروا معي

[زهر البيلسان]

صباح العسل

صباح الهيل والزعفران

صباح اللمة الحلوة

صباح الصحبة الجميلة

صباح الكلمة الطيبة

صباح اللقمة الهنية

صباح الاشتياق لكن

يا أخواتي الغاليات

وصديقاتي الحبيبات

تراني ما نسيتكن

ولا نسيت العيش والملح اللي بيني وبينكن

وييييييينكن

ما شوف غير غلاتي مرمر

وأم القلب الطيب الطيبة

وحشتني حييييييل يمعتنا من جديد

سحابة عطر

خلود الياسمين

سمو الذكريات

عسافة

ما يبيلكن عزومة ولا بطاقات دعوة فديتكن

ما صرتوا تجون الصباح

بعد أنادي على عقودة "عقد الألماس العتيق"

وصموتة "صمت الجروح"

وطبعاً العف الخجول زميلتي في الإشراف

وأهم شي شموووووسة

وكل نواعم منابع بدون استثناء

بس الصراااااااااحة

تفاجأت إني صرت مشرفة على منابع الطبخ

خااااااااطري نرجع نفس أول

مثل أم خماس وربيعاتها



أكيد لنا بااااااااك يا رجون

غبنا شهر عن هالمكان

كان ذلك فاصل ونواصل

على قولة إعلام هاليومين

عاد بها المناسبة

حبيت أحتفي فيكن

على طريقتي الخاصة

أعددت لكن خوووووش مائدة

ريوق ملووووووكي

سبيشل

ما يليق إلا بالملكات




شموع

وورود

وفطور شهي وصحي ومنوع





تفضلوا حبيباتي حياكن

سمو بسم الله

إلا قولوا لي

شخبار الجو عندكن؟

حنا جونا ملخبط هاليومين

ساعة حر

وساعة يقلب هوا وعج وغبار

وساعة يصير بررررد

وطبعاً غائم

ننتظر "ضربة العيوز"

ما أدري إنتوا شتسمونها

تجي في أواخر الشتا

يهب هوا بارد وينزل ذاك المطر السنع

وداعية الشتا

خلاص خلاص

با سكت

وأخليكن تكملون أكل

شاسوي

مشتاقة لكن وأبي أسولف معاكن

إن شاء الله ها القعدة الحلوة أعجبتكن

وأهم شي يكون ترتيبي نال استحسانكن

مبين

أشوف الابتسامة على وجوهكن

بانتظاااااااركن

[أوراق ورديه]

مع اني مو معزووومه

مريت من هنا وشميت هالريحه الطيبه

لكن قلت زهر أختى وما أحتااج أحد يعزمنى

ماشاء الله عليك يالغلا وش هالسفره والاكل اللذيذ

جعلها ربي سفره دايمه



ولي عوده بسفرتك وجلستك اللي ما تنمل

تحيتي لروحك الجميله

[زهر البيلسان]

يا هلا ويا مرحبا

وأخيراً طل القمر

حيا الله من جانا

حبيبتي أوراق

أستقبلك بالأحضان والقبلات



عاد إنتي صاحبة مكان فديتك ما يبيلك عزومة

أنا ضيفة عندكم هني

تفضلي حياااااااك



سبقتيني وحضرتي قبلي

خليني أشوف ثلاجتنا شفيها اليوم

خبرك البنات سهرانات وأكيد نسفوا كل شيء




أشووووووة

فيها خير من الله

بس عسى ما شر أشوف ادوه كنه بروسبان مال الكحة

سلاااااامات

المهم

جهزت المائدة



وحضرت لك خوووووش ريوق معتبر

يستاهل بؤك



خلينا نسولف شويات

بانتظار البنات الحلوات

وعقب ما نخلص

بنروح عند مجلس العف الخجول

سامحيني عالقصور يا الغلا

وخلينا نشوفك دوم مب بس اليوم

عسى أيامك بالحب والخير مسقية حبيبتي وأختي أوراق وردية

سمعتوني حبايب قلبي

الكلام موجه لكن جمييييييعاً



هني وعااااااافية

[سمو الذكريات]

ياهلا والله ومسهلا
الله يسلمك يارب على هالفطور السنع ومايجي منك غير السنع يازهر البيلسان
والحمدالله نبشرك احنا بخير ولله الحمد دامنا نشوفك بخير
وبالنسبه لجونا تو الحر سير علينا بس انقلب علينا فجأه مره برد مره غبار مره مطر يعني اقولك حالنا وياكم مثل بعضه
عاد كنا ناويين نقش ملابس الشتا بس الله ستر وماقشيناها
وعاد اني ماقدر ادخل الصبح لاني بالجامعه واذا ماكان عندي شي اصير ماسكتها نومه وشكل مالنا نصيب الا الليل ويصير الموضوع (حياكن تعشن معي)
>>>تحملي كثرنا الهذره

[سمو القلم]

ههههههههههه

سلام عليكم ورحمة الله صباحكم رضى من الرحمن

لاتفهموني غلط اضحك على نفسي

داخله على السفرة اللذيذة وانا ما افطر نهائياً

ممكن حبايبي اونسكم على السفرة وادردش معاكم شوي

شوفي حبايبي دحنا اجواء حلوه كتير تعرفوا بداية الربيع ياعمري على فصل الربيع الهاادي

ميلاد جديد للعمر وموت الشتاء الله يبعد الشتاء عن اعماركم ,,,وتواجدي سهااري بالليل اجمل وقت واطيبه مع احبتي هووون

زورونا حبايبي في الحجاااز والله اجواء تاخذ العقل

حياكم جميعاً

[زهر البيلسان]

الله الله

مين قدي اليوم يا نااااااس

سمو الذكريات

وسمو القلم يتريقن وياي

أسفرت وأنورت

كل الهلا بيكن يا الغلا

صبحكن الله ومساكن يا الغاليات

بالخير ورضا الوالدين

حياكن الله

تفضلن هذا مكانكن ومطرحكن



العذر والسموحة تأخرت عليكن اليوم شوي

حيا الله سمو الذكريات

شلونك فديتك بخير عساك بخير

وشخبار الجامعة وياك

إن شاء الله شادة حيلك

ومسيطرة عالوضع وكل شي تمام

شوفي

حنا ما نبي نجاح عادي والسلام

نبي تفوق

ربي يوفقك ويحقق أحلامك وأمانيك

ونفرح بك خريجة إن شاء الله

وإنتي يا سمو القلم

يا هلا ومرحبا فيك ويانا

على راسي وعيني جيتك عندي

عاد تدرون

عندنا وعندكم خير

نفس الجو تقريباً

وأحياناً

تلتقي كل الفصول في يوم واحد!

أووووه

خذتني السوالف

بما إني جيت متأخرة وطافنا الريوق

جبت لكم معي طبق

عجيييييب

وأكلة تجنن

أم علي

توني مطلعتها من الفرن

هي سبب تأخيري "شوفوا العيارة"



وهذي الفواكه



تفضلن

لحد يستحي

سامحوني عالتأخير والقصور حبيباتي

ويتجدد لقائي بكن بكرة على خير ومسرة

تحملوا بروحكم

وفي أمان الله

[سمو الذكريات]

السلام عليكم ورحمة الله وبركاته

الله يحييك وينور دربك
وجعلك تسلميين دنيا واخره
وابشرك ماشين بهالجامعه والله يحقق لنا وياك والجميع التوفيق والنجاح
وماننحرم منك ومن هالفطور
ومادام التأخير سببه هالطبخه الحلوه فالتأخير مرحب به على طول
...
وزاد الفطور حلاوه بجية سمو القلم معنا
الله يزيدها نور وطاعه
يارب

[زهر البيلسان]

وعليكم السلام ورحمة الله وبركاته

اللهم آمين لنا ولك يا الغالية



من كل قلبي أدعي لك بالتوفيق والنجاح في دراستك الجامعية

وإن شاء الله نفرح فيك خريجة رافعة الراس بشهادتك وعلمك وسلاحك

تدرين يا الغلا

اليوم ما سويت شي عالريوق

بصراااااااحة

أبيكم تعزموني على أكلة سعودية سامعة إنكم تجيدونها

أسمع عنها كثييييير وخاطري حد يعلمني كيف يسونها

وإيش فوايدها وقيمتها الغذائية

بس اللي أعرفه عنها إنها مغذية ودسمة وتمد الجسم بالطاقة

وتنفع أيام البرد والصيام

إنها

المعصوب

بإمكاني طبعاً أبحث عنها في google

وهو مب مقصر

بس أنا أبيها منكن أنتن

شرفيتنا والله يا سمو الذكريات

جداً أسعدتيني وأثلجتِ صدري بسلامك وسؤالك واهتمامك

وهذا هو المتوقع منكِ ومن أخواتي الخلوقات في منابع

ربي يوفقك ويسعدك ويحفظك

و

[سمو الذكريات]

السلام عليكم ورحمة الله وبركاته
ياهلا وسهلا
الله يسمع منك ومايحرمنا دعواتك الطيبه يارب
وغاليه والطلب رخيص
ولو انه مفطح ماوفا بحقك
وبالنسبه عاد للمعصوب
من ناحية عائلتنا الكريمه ماتهتم له كثير
ومره اكلته وتندمت والاذواق تختلف اكيد
بس لجل قلبك الطيب ولجل انك دايم تفطرينا ومغرقتنا بكرمك ابعزمك عليه

المقادير
عشره حبات موز
عشره خبز حب يعني خبز (بر)
فنجان قهوه عسل
فنجان قهوه سمن بري او اي سمن
علبه قشطه
زيت زيتون حسب الرغبه
للزينه علبه جبنه كرافت مطبوخه
الطريقه
نضع الخبز في ماكينه العجن حتي يتقطع او ممكن تقطعي بيدك صغير مره او ابشري بمفرمه البصل أو فرامة اللحم وهذا أفضل ومن ثم اهرسي الموز
ثم اضيفي باقي المقادير واخلطيها جيدا
للتزين :
ابشري جبنه كرافت فوق المعصوب وضيفي قليل من العسل فوق الجبنه.
وهذي الطريقه مثل طريقة المحلات
...>>>>ولاتعلمين احد علينا لان الدعوا كلها سراقه بسراقه الله يكفينا وياك شرها

وهذي أبيات قيلت في المعصوب

قال الشاعر ابن المجفا :

ألا ليت الكبان يعود يوما = فأخبره بما فعل الشفوت

وللمعصوب ويلي من هواها =معذبتي إلى أين السكوت؟
...
وقال الشاعر امرؤ الدخن بن ذمال

لها قمح ودهنٌ وكعدة = وتنضح شهداً لعمري ما الخطب

طريد بلا معصوب يقضي نهاره= ولا شغل يرضي وفوقهما الكرب



وان شاء الله يارب قدمنا اللي يرضيك
واعذرينا على قل الكلافه
واي شي تبينه على رسم الخدمه دائما
وهني وعافيه يارب

[زهر البيلسان]

وعليكم السلام ورحمة الله وبركاته

حيا الله الكريمة بنت الكرام

يا عيني عليك يا سمو الذكريات

وصفة شهية وطبق يسيل اللعاب مطعم بالأشعار بعد

بدعتي والله

تسلمين يا الغالية

كلك ذوق فديت روحك

تعبتك معي



من يد ما نعدمها إن شاء الله

تدرين شكله يشبه الثريد بس لذيذ وشهي مثل ما أشوف

وطلع صج أكلة دسمة ومغذية

شوقتيني أسويه وأجربه

كان خاطري يتواجدن الأخوات معاي

عشان ناكل جميع

بسم الله

أمممممم




شكلي بنسفه كله!!

تسلم يدينك

الله يغنيك ويكثر خيرك

يا

سمو الذكريات

انعم الله عليك وأطعمك من أكل الجنة اللهم آمين

وإن شاء الله نخدمك بالأفراح





ومنا إلى كل الأخوات

حياكن الله معانا