الغالي

[خليل الشبرمي]

المشاركة الأصلية كتبت بواسطة ياسر سعود

الاحبه في منتدى منابع الادبيه

كل عام وانتم بخير

مصافحه اولى لقلوبكم النقيه اتمنى ان تنال ميسور رضاكم

الغالي

الغالي اللي هويت وخاب به ظني=اخطى عليه ومر ايام ماجاني
مادام بادي ولا جاه الخطا مني =خلوه يبعد على كيفه وينساني
والله ماأسأل عن اللي ماسأل عني=لو يحرق الشوق قلبي لو تحداني
ماقول انا في غيابه صرت متهني=وان قلتها من لساني يكذب لساني
والله احبه غلا والشوق جنني=واحب حتى طعونه داخل احزاني
كل شي فيني بيوم مفارقه حنّي=حتى عيوني عتبها بلل اجفاني
واكبر دليل بهواه ومنزله إني=ماحب غيره ولا دورت له ثاني
احيان افكر واقول اجيه لكني=الوم نفسي على تعذيب وجداني
ترى المحبه من الله مابها مني=وشلون احبه وهو يبعد ويجفاني
وانا عنادي اشد من الصخر كني=يلين بعضه وقلبي صلب مالاني
وارجع من اول واقول ان خاب به ظني=خلوه يبعد على كيفه وينساني
حلفت ماأسأل عن اللي ماسأل عني=لو يحرق الشوق قلبي لو تحداني

أخي الفاضل
ياسر سعود

صح لسانك
صح لسانك
صح لسانك

نص غاية في الجمال

عذوبة + سلاسة + جزالة = شعر


من السهل أن تكون صعباً
ولكن من الصعب أن تكون سهلاًً


تحياتي وتقديري واحترامي