في .. مراكش .. وانقره .. والقاهره .. واللاذقيه .. !!!

[خليل الشبرمي]

.

في مراكش وانقره والقاهره واللاذقيّه=حسنها ماشفت مثله جل خلق اللي خلقها
ولا هقيت انه بقى للزين فالدنيا بقيّه=الله اللي عن جميع الناس والعالم فرقها
الرموش جيوش صفّت واللواحظ بندقيّه=الله اكبر ( بندق الخياط ) مايخطي تفقها
والله اني من ثمان سنين وعيوني شقيّه=ودوحة احلامي رياح الياس قد حتت ورقها
ياعرب مجنون فيها والقضيه منطقيّه=زينها شيٍ عجيب ولايلام اللي عشقها
حبها في وسط قلبي له مكانه واسبقيّه=وفي عيوني بالجمال وبالحلا ماحدٍ سبقها
والهوى دامه عفيف ونيتي بيضا نقيّه=ما التفت للوم واذني عن كلام الناس صقها

وسلامتـــــــــكم