حياكن.. افطروا معي

[زهر البيلسان]

هلا والله بأخوي الكريم قديم الشوق نورت المكان..

بس فشيلة ما نعرف شنضيفك وإنت صاحب مكان..

أبشرك! نزل سعر كيلو الطماط أول أمس شرينا على 8 ريال الكيلو.. وييييين سعره الفترة الماضية وصّل 15 ريال! الله المستعان.



وأزيدك من الشعر بيت.. تدري إيش اللي ترتب على غلاء سعر الطماط عندنا؟؟..

- صحن السلطة في المطاعم صار صعب المنال!
- تحلم تاكل طبق فتوش ولا تبولة!
- الامتناع مؤقتاً عن تناول الشكشوكة والبيض بالطماط!
- حتى سندويش البيض في المعاصر والكفتريات بأنواعه مقلي أو مسلوق صار سعره يفرق.. أول ما يسألك: مع طماط ولا بدون؟!

صحيح الواحد ما يعرف قيمة النعمة إلا لما ينحرم منها أو تصير صعبة عليه.. الله يديمها نعمة ويحفظها من الزوال ويجعلنا وإياكم من الشاكرين الحامدين غير المبذرين ولا المسرفين (اللهم آمين).

أخوي قديم الشوق.. لا تحرمنا إطلالتك تراها تسعدنا.. وتشرفنا دوم بتفاعلك المتواصل مع ما نقدمه من مواضيع حتى الخفيفة والطريفة منها.

جمعة مباركة أتمناها لك.. دمت برضا الرحمن.