حياكن.. افطروا معي

[مراجن]

اهليييين أبله سمسمة >> من اشوفك ودي اجيب لك ياسمين حبيب قلبك
منورة والله اليوم
شوفي حبيبتي الخنفروش اللي حاطتها القلب الحنون زهورتنا
هي تشبه حاجة عندنا اسمها الجبنية بس الفرق عليها سمسم
فمطلوب شرحها من قبل زهورة
اما الخبيص نسميها احنا الفته .. ان شاء الله تكون صح وماافتي من عندي

[سحابة عطر]

مرمر خخخخخخخخخخخخخخخخخخ
ايش جاب الجاب خخخخخخخخخخخخخخ
اقول اسكتي بس لاحد يسمعك هههههههههههههههههه
ايش جاب الفته للخبيص ياحظي
الخبيص كانكم تسمونه حنيني
والخنفرووش سالو عنه سماهر بس يجنن غريبه انكم ماتعرفووونه
والله فطور يجنن يازهورتنا
استمتعت فيه تسلم يدك
لاتحرمينا من فطورك بكره

[زهر البيلسان]

هلا حبايب قلبي

منورين

مرمر

خلود

سحابة

وش أخباركم

اليوم أبي أشرح لبعض الناس اللي ثقافتهم أجنبية

ولمرمر طبعاً

وشو الخبيص والخنفروش

هذيلا سلمكم الله أكلات شعبية خليجية حلوة

مشهورة في بعض دول الخليج وخاصة في البحرين

حريم أول كانوا يسونها عالريوق

لأنها ضمن الحلويات تمد الجسم بالطاقة والسكر

خبركم أيام الغوص

ويا حلو طعمها مع القهوة العربية والشاي الحمر

خلونا نبتدي مع الخنفروش

أكلة شعبية تصنف ضمن الحلويات، تشبه الدونات، يتم تحضيرها من كيلو غرام من العيش المطحون "الرز المطحون"، و15 بيضة وكوبين من السكر وفنجان من ماء الورد وكوب حليب بارد وملعقة صغيرة من الزعفران وملعقة متوسطة من القناد يعني "الهيل"، وتخلط جميع العناصر السابقة بشكل جيد باليد أو بالخلاط الكهربائي، ثم يضاف إليه القليل من الخميرة، ويترك حتى يختمر، ثم يقطع على شكل دوائر، ويوضع في السمن المغلي على نار خفيفة حتى يحمر وبعدها يكون جاهزا للأكل.

أما الخبيص



طبق الخبيص يا الحلوات يتكون من الطحين المحمص والماء والسكروالقناد "الهيل" والزعفران ويتم الصنع بوضع الماء داخل اناء كبير «قدر» ويترك حتى درجةالغليان، ثم يضاف اليه السكر والقناد والزعفران وقليل من الدهن ثم يضاف الطحينالمقلي او المحمص ثم يخلط مع المزيج عدة مرات وبعد ذلك ترفع القدر عن النار ويغطىويوضح فحم عليها من كل الجوانب، لمدة نصف ساعة تقريباً حتى ينضج المزيج ويصبح جاهزاً للأكل.




واستكمالاً للأكلات الشعبية

خلوني أريقكم اليوم على كيفي

نخي "حمص مسلوق" مدري إنتوا شتسمونه



و

باجيلا "فول مسلوق"

و

خبز



بسم الله

وتسلم يدي

تعبتوني اليوم

س ل م ل م

[خلود الياسمين]

ههههههههههه
فديت اللي تعبانها اليوم ياحلوها وحلو شرحها
تسلمين لي يارب
وتسلم أناملك ع الشرح المكثف
وتسلم أناملك علي الفطور
يالله بسم الله وانا اول وحده
والحين البنوتات بيلحقوني
تسلمين لنا زهورهـ

[سحابة عطر]

تسلمين حبيبتي ماقصرتي
تعبانك معنا
بكره ان شاء الله انا بجيب لكم الفطور انتظروني

[زهر البيلسان]

سحوووووبة

تو الناس الشيخة

هذا على أساس ريوق أي يوم بالله عليك؟!

[خلود الياسمين]

صباحكم ورد وعطر وكادي
أنتظرت عطورة تجيب الفطور
فتأخرت وأنا بصرااااااااااااحه جعت
والجوع كافر
فسويت لكم فطور
ما يستاهله الا انتم



وهذا كلوب ساندويتش



و العصيرات الفرش مانسيتها







واللي يبي كوفي ودونات هم جبت له



وبالعافيه علي قلوبكم يااااااااااااااارب

^^

[سحابة عطر]

هههههههههههههههههههه
وربي اسفه
ومنكم العذر يالغوالي
بس بعوضكم بغداء من تشيلز ع كيف كيفكم

هذا طبقي لاني اعشقه تشيلز ساندويتش ستيك بالجبنه


وهذا حق زهورتنا ع ذوقي
التاكو


وهذا حق مرمر
اصابع الدجاج المقرمشه


وهذا حق خوخه
باستا الدجاج


وبالعافيه ع قلوبكم حبيباتي
واسفه ع تاخري بس خوخه كان فيها الخير والبركه

اقول زهوره اليوم اختي مسويه لنا احلى خنفروش
لذيذ
بتنقص لكم منه

[زهر البيلسان]

مساء الأنوار

مبدعين اليوم يا الغوالي

اليوم قلت آخذ إجازة من المطبخ

فري داي يعني

مدلعيني آخر دلع

ما شاء الله عليكم

تسلم الأيادي

خلود فطورج ولا ألذ

ولا العصاير أحب أنا الستروبري

والدونات ترى نقطة ضعفي

كسرت الدايت اليوم عشانهم

سحوبة

تسلم يدج عالغدا السبيشل

ما ننحرم من أطايب أكلاتك

وخصوصاً

التاكو ساندويش

ذوقك مكسيكي اليوم

عليكم بالعافية بالخنفروش

خلاص وصلني نصيبي

إلا وين مرمر ما شفناها

أدعوا معي الله يشافي والدتها يوقومها بالسلامة.. اللهم آمين

ولا يحرمني الرحمن منكم ولا من جمعتكم

يا أخواتي

الحبيبات

الله يحفظكم

[سمو الذكريات]

اهلا اهلا << جايه متأخر
بس ياختكم شفت الموضوع الدعوه فيها عزيمه قلت نطب ونشوف يمكن نلاقي مانشتهي
ودخلت وضاعت علومي مع اطايبكم الحلوه
وان شاء الله الجايات اكثر واجيب فطوري معي
زهوره وانا شبعانه عصافير بطني غردت
مايحرمنا هالايديات انتي والصبايا*