&شتات الوقت&

[فواز المطيري]

ابرحل مع شتات الوقت واكسرغربة الوجـدان
واشاطروجهي الشاحب همومـي وانكساراتـي

بعيد عنك اببحرفيك من عمر الزمـان ازمـان
انا والحرف دام الحرف خاضـع مـن بداياتـي

اغيروجه ذيك الشمس والغـي حـدة الالـوان
وبرسم رعشتك جذلى على توشيح فـي ذاتـي

انا والصمت والحيرة وتعتيـم الظـلام اخـوان
سكون الـذات يجمعنـا يداخـل وقتنـا الآتـي

طريقي رجفة اقدامي وقلبي نبضـة الحرمـان
عيوني في سديم الوقت تلهث خلـف دمعاتـي

اببكي لين تبكي من دموعـي غيمـة الاحـزان
وبضحك لين تضحك من جنوني كـل لحظاتـي

وبعد البوح يغتال الحنيـن وحاجـز الجـدران
ويزهر صوتـي الدافـي علـى شدوانبعاثاتـي

ابلغي من تفاصيلـي مسايـل تحتمـل لوكـان
ابـدل وجهتـي وانفـي ظنونـي واحتمالاتـي

وبنسى الامس واخرج من ثياب العاشق الولهان
واروض عمري الحاضر على واقـع كتاباتـي

اسافرفي عروق الوقت دمـي بالامـل نشـوان
اهـادي طلعـة القمـرى تعطرنـي مسافاتـي

انا وش كنت لاتسال انـا ابـن الاتيـه والان
بديت من آخـر الماضـي وحـددت اتجاهاتـي

ابهدي الخصب من وقتي لوقتٍِ كنت به عطشان
واقاسـم مبهمـات الحـزن مكنونـي ولذاتـي

اطفي شمعتي واغمض جفون الخافق الوسنـان
ينـام بداخلـي صوتـي شجونـي وانفعالاتـي

.
.

.
.

عبدالرحمن القآضي

.
.

صبآح الشـعر يآشعـر

.
.

صح لســآنك

.
.

هُـنــآ للأبجـديآت

ر

و

ح

.
.
.




لكِ فآئق الود.