== حتيش يالمغرب وجو الطبيعة ==

[عبدالله بن راجس]

لكم الجديد ومن المغرب مباشر

حتيش يالمغرب وجو الطبيعة = مالي بها لوكان وقتي حداني
ويلي على شوفة نخيل الضبيعة = ترى الضبيعة جوها جو ثاني
دارٍ مكانتها بقلبي رفيعه = وأهل الضبيعة قدرهم بالمحاني
ربعي هل الهدلا حصونٍ منيعه = ياطيب عجمان الرخم فالمكاني
قصيرهم يرقى بعال الرفيعه = من عرضهم مافيه قاصي وداني
ياطيبهم طيباه علمٍ وأذيعه = أفخر بهم علمٍ يصك الأذاني
سبعان يوم إن المواقف شنيعه = وشجعان مافيهم ردي وجباني
لهم مع الحكام وقفه وبيعه = من عصر أبوتركي إلى هالزماني
ثنتين تكفيني بليا نزيعه = أعدها وأنا عريب المجاني
يوم الرغامه وإن بغيت الوديعه = متنطحين الموت جيته وجاني
أفعالهم تعرف ولاهي بديعه = مع معزي لين زان المكاني
من غير قاصر والقبايل شجيعه = تاريخهم يرفع بروس المباني
شدتني حميا بمدح الضبيعه = وأنا عليها والجماعه ماأداني

[رمثي رحيمه]

بن راجس
صح الله منطوقك ملايين نص جميل ورائع راق لي محتواه
تقديري

[قديم الشوق]

عبدالله بن راجس

صح لسانك وبيض الله وجهك

والنعم فيك وفي ربعك رجال سبيع الغلباء

قصيدة جزلة من شاعر جزل وغني عن التعريف

أشكرك على تواصلك الجميل معنا

وفي انتظار المزيد من هذا الجمال

وتقبل فااائق تقديري واحترامي

[عبدالله النعيمي]

غني عن التعريف يا بو هادي انت عنوان الجزالة طال عمرك والنعم بالمادح والممدوح صح الله لسانك