اول مشاركه لي..

[ابو احمد]

اول مشاركه لي في هذا المنتدى

ارجو ان اقدم ماهو جميل ان شاء الله

القصيده:


يقول من جابه النارين
نارن تباريه وتحيطه

وش جاب يامقارن الثنتين
بين الرخى وبين توريطه

بين الذي يبلع السكين
ويرجع على الجرح ويخيطه

وبين الذي ياكل من التين
ثم يتربع على عيطه

ترى البلا ياالغلى بعدين
يوم الحزن ينعقد خيطه

لاصار من حولها بنتين
مايصعب الشعر تمشيطه

الصعب دايم على الكحلين
يخرب الدمع تخطيطه

في وقتها ياغراق العين
يغسل الوجه تنقيطه

والقلب يامسدل الزلفين
كسر ظلوعي بتمغيطه

اهلين يالمعضله اهلين
كفارتن عن خرابيطه

ياكن ايامنا يومين
ومن عقبك الوقت مغيطه

وحنا على دربنا ماشين
نلقى للاوضاع تبسيطه

يازين لاتنحني يازين
ترى الوضع سهل تضبيطه

لابد نرضى على الوجهين
بشين البلا وشين تسليطه

نطيع ربي ليوم الدين
من خوف يازين تسخيطه.
وسلامتكم...

[عبدالله النعيمي]

صح لسانك ابو احمد مدد بلا عدد نشيدة ممتازة اعجبني سبكها واسلوبها.

[هلال الشمري]

صح السانك صح السانك صح السانك
نص فآآخر بحبكه وبحره
نص لايجيده إلا شااعر كبير وانت كذالك يابو احمد
تشرفت بمروري على متصفحك
ولك ودي

[ابو احمد]

انا اللي اتشرف بمروركم على قصيدتي

واتشرف اني اكون اخ لكم عزيز وانتم كذلك اعزاك علي ان شاء الله

ووفقنا الله جميعا..

[قديم الشوق]

ابو احمد

أهلا ً بك بينا أيها الشاعر الجميل

هجينية رااائعة من شاعر مبدع ومتمكن

صح لسانك ودام نبضك

ولا تحرمنا من هذا التواصل العذب

دمت بود

وتقبل فااائق تقديري واحترامي

[ابو احمد]

قديم الشووق

اتشرف بمرورك على القصيده ,, الله يعطيك العافيه..